जनकपुरधाम, भदौ २२ ।
अहिले नेपालको अर्थतन्त्र कमजोर हुनुमा नेपाली रुपैया भारतमा थन्किएको घटनाले देखाउंछ । नेपाली रुपैया भारतमा थन्किएको प्रमाण पछिल्लो पटक स्रोत नखुलेको साढे २० लाख रुपैयाँसहित एक भारतीय नागरिक जनकपुरधामबाट पक्राउ पर्नु हो । नेपाल राष्ट्र बैंक नेपाली रुपैया कहाँ गायब भयो भन्ने कुरामा खोजीमा छन् ।
वित्तिय श्रोतका अनुसार पछिल्लो निर्वाचन अघि नेपालमा करीब ६ खर्ब रुपैया बजारमा चलनचल्ती थियो । तर अहिले बजारमा डेढ खर्ब मात्र छन् । बांकीको साढे ४ खर्ब रुपैया भारतमा कहाँ गायब भयो भने कुरा राष्ट्र बैंक खोजी रहेका छन् । सबभन्दा बढी नेपाली रुपैया भारतमा कोरोना संक्रमणकाल र पछिल्लो निर्वाचनमा बाहिरिएको हो । शुक्रवार जनकपुरधामबाट भारतीय नागरिक २० लाख रुपैया सहित पक्राउ पर्ने घटनाले गायब भएको साढे ४ खर्ब रुपैया भारतमा थन्किएको हुन सक्ने संकेत गर्छ ।
यतिको ठूलो रकम भारतीय नागरिकबाट पक्राउ पर्नु भनेको नेपाली रुपैया भारतमा थन्किएको हो भन्ने बारे धनुषाका प्रहरी प्रवक्ता वेदप्रसाद गौतमले हुन सक्ने आशंका व्यक्त गरेपनि ठयाक्कै भन्न सक्न नमिल्ने बताए । यस सम्बन्धमा प्रहरीको अनुसन्धान कस्तो हो भन्ने बारे प्रवक्ता गौतमले भने दुई देशबीचको सम्बन्ध भएकाले प्रहरीले यसतर्फ ध्यान नपुरयाएको भने । उनले भने यो दुई देशबीचको कुरा भएकाले कुटनीतिक तवरबाट गर्नुपर्ने हो । हुनत त्यसलाई हुण्डी कारोबारीको नाम दिइएको छ ।
यी २० लाख रुपैया पक्राउ पर्नु उदाहरण मात्र हो । कति रकम भारतमा थन्किएको हो भन्ने कुरा अनुसन्धानको पाटो हो । प्रहरीका अनुसार पक्राउ पर्नेमा भारतको बिहार राज्य जिल्ला दरभंगा थाना सिंहवाडा गाँउ लहेरिया सराय बस्ने २० वर्षीय राजेश साह रहेको छ । शुक्रबार दिउँसो करिब डेढ बजे साहलाई प्रहरीले नागरिक नेपाली रुपैया पैठारी गरी आफ्नो साथमा लुकाई छिपाई ल्याई रहेको सूचनाको आधारमा जनकपुरधाम उपमहानगरपालिका ४ बाट चेकजाँचको क्रममा नियन्त्रणमा लिइएको जिल्ला प्रहरी प्रवक्ता प्रहरी नायव उपरीक्षक वेदप्रसाद गौतमले जनाएको छ ।
साहले पिठ्युमा बोकेको कालो रंगको झोला भित्रबाट नेपाली रकम १ हजार दरको नोट १ हजार ८५० थान र ५ पाँच सय दरको नोट ४ सय थान गरी २० लाख ५० हजार रुपैयाँ बरामद गरिएको उनको भनाई छ । बरामद गरिएको रकमसहित युवकलाई आवश्यक कारवाहीको लागि भन्सार कार्यालय जनकपुर पठाईएको उनले बताए ।
भारतमा कसरी थन्किए नेपाली रुपैया ?
अर्थ विश्लेषकहरुका अनुसार हाम्रो जनजिविकादेखि हरेक प्रयोगको सामान भारतबाट आयात हुन्छ । वैद्यानिक रुपभन्दा पनि तस्करीको मार्गले बढी आयात गरिन्छ । नेपाल भारतको खुल्ला सीमानाका कारण तस्करी तिव्र रुपमा भइरहेको छ ।
तस्करीको माध्यमबाट सामान आयात गर्न सीमावर्ती क्षेत्रमा नेपाली रुपैयाबाट भारतीय रुपैया खरीद गरी गरिन्छ । हामीले भारतीय रुपैयाबाट सामान किनेर ल्याउंछौं । तर ती नेपालीबाट भारतमा चल्ने नभएकाले थन्किन गएको छ । केही वर्षअघिसम्म नेपालीबाट भारतीय रुपैया साटासाट गर्दा ती नेपाली रुपैयाबाट कारोबारीहरुले नेपालबाट सुनको तस्करी गर्ने गर्थे । तर अहिले नेपाल अर्थतन्त्र कमजोर भएकाले आफै सुन किन्न नसक्दा । भारतीय तस्करहरुले सुन किन्न नपाउंदो सो नेपाली रुपैया त्यसै थन्किन गएको छ ।
नेपाली रुपैया भारतमा थन्किन गएपछि भारतीय व्यापारीहरुले नेपालका हरेक सीमाको १०/१५ किलोमीटरसम्म नेपाली रुपैयामा थन्किएका नेपाली उपभोक्ताबाट नेपाली रुपैया कारोबार गरिरहेका छन् । यसले गर्दा नेपालमा भारतीय रुपैया भ्यालु रेट नै कम भइसकेका छन् । अहिले नेपालमा व्यवसायीहरुले भारतीय रुपैयाबाट कारोबार न्यून गरिदिएका छन् । जसले गर्दा अहिले बजारमा एक सय भारतीय १६० को सट्टा १५०÷१५५ रुपैयामा चलिरहेका छन् ।
यो विषयमा आफ्नो प्रतिक्रिया दिनुहोस् !