जनकपुरधाम, भदौ १८ । महोत्तरी भंगहाका मन्दिप यादवको घुडाको शल्यक्रियाको क्रममा चिकित्सकले गज भित्रै छोडेको आरोप लगाइएको छ । सो घटनामा नवजीवन अस्पतालले पैसाका लागि मन्दिपलाई पीडित बनाइएको आरोप समेत लगाइएको थियो ।
अस्पतालकै संलग्नतामा पिडीतको शल्यक्रिया गर्दा घाउ भित्रै गज छोडिएको बारे सोमवार एक प्रेस विज्ञप्ति जारी गरी घटनामा नवजीवन हस्पिटल प्रा. लि.को कुनै संलग्नता नरहेको दाबी गरेका छन् ।
अस्पतालले जारी गरेको विज्ञप्तिमा मन्दिपले आफै डा. मुकुन्द झाको क्लिनिकमा चेकअप गराई शल्यक्रिया गराएको हो । घटनामा अस्पतालले शल्यक्रियाको वातावरण सहज बनाएर मन्दिपलाई सहयोग गरेको दावी गरिएको छ । अस्पताल भन्छन् मन्दिपको शल्यक्रियामा आफूहरुले शल्यक्रिया कक्ष मात्र उपलब्ध गराएको हो । अस्पतालले भनेको छ ‘यो स्वास्थ्य क्षेत्रमा हुने नियमित प्रक्रिया हो । तसर्थ, मन्दीपले कपोकल्पित रुपमा अस्पतालमाथी आरोप लगाएका हुन । नवजीवन हस्पिटल र डा. मुकुन्दलाई फरक फरक स्वतन्त्र निकायको रुपमा हेर्नु पर्छ ।’
मन्दीपले शल्यक्रियाको क्रममा गज (कपडा) भित्रै छोडेको कुरा भ्रामक र बदनियतपूर्ण छ, विज्ञप्तिमा भनिएको छ ‘ डा. मुकुन्द नै यो घटनाले पीडित भएका छन् । शल्यक्रियाको पूर्ण भुक्तानी नगरी मन्दीपलाई डिस्चार्ज गरियो । डिस्चार्जपछि बक्यौता रकम छुट गरिदिन फोन मार्फत र भौतिक उपस्थितिमा मन्दीपका मान्छेले दबाव दिए । त्यसपछि गज भित्रै छाडिएको घटना बाहिरिएको अस्पतालले दाबी गरेका छन् ।
कुनैपनि शल्यक्रियामा नर्सको अहम् भूमिका हुन्छ । यी शल्यक्रियामा नर्सको रुपमा मन्दीपको भाउजु रम्मी यादव हुन् । यस घटनामा नर्स रहेकी मन्दीपकी भाउजु रम्मी यादवको गैरजिम्मेवारपूर्ण र शंकास्पद भूमिका देखिएको विज्ञप्तिमा भनिएको छ ।
घटना पश्चात सो अस्पतालमा कार्यरत नर्स रम्मी यादवलाई हस्पिटलले आवश्यक कारवाही गरिसकिएको जानकारी गराइएको छ ।
यो विषयमा आफ्नो प्रतिक्रिया दिनुहोस् !