जनकपुरधाम, असार १२ गते । न्यूनतम मापदण्ड पालना नै नगरी धनुषाको लक्ष्मीनियाँ गाउँपालिकामा सडक ढलान कार्य भइरहेको पाइएको छ ।
गाउँपालिका कार्यालय कार्यालय अगाडीको सडकमा ग्राभेल नै नआछयाई माटोमै आरसिसी ढलान थालिएको हो । सडकलाई डोजरले सम्याएर त्यसैमाथि जथाभावी फलामे छड बिछ्याएर माटो मिश्रित गिट्टी र बालुवाले बाटो ढलान सुरु गरिएको हो ।
स्थानीयले राम्ररी काम गर्न पटक पटक आग्रह गर्दा ठेकेदार रामेश्वर निर्माण सेवा, धनुषाधामले वेबास्ता साे ढलान गरिरहेकाे आराेप लगाइएकाे छ ।
स्थानीय विनाेद साहले भने साेमवार नै पटक पटक ठेकेदारलाई आग्रह गरे यसरी जथाभावी माटोमै ढलान नर्गुस् । सडकमा ग्राभेल ओछ्याएर राम्रो गिट्टी बालुवा प्रयोग गरी मात्र ढलान गर्नुस् । नत्र बाटो टिकाउँ हुँदैन’ तर ठेकेदारले कुनै वास्तै गरेन । हामी काममा बाहिर हुँदा हतारहतार २५ मिटर बाटो जथाभावी ढलान गरिर सक्याे ।’
सडक डिभिजन कार्यालय जनकपुरको एक करोड रुपैयाँ बजेटबाट साे सडक ढलान कार्य भइरहेको छ । सडक डिभिजनका सूचना अधिकारी एवं सो ढलानको साइट हेर्ने जिम्मा पाएका इन्जिनियर दुर्गा प्रसादका अनुसार रामेश्वर निर्माण सेवा, धनुषाधामले ५३२ घनमिटर बाटोमा आरसिसी ढलान गर्न १४ असार २०७८ मा भ्याटसहित १ करोडमा टेण्डर सम्झौता काम गरिरहेकाे बताएका छन् । अहिलेसम्म निर्माण कम्पनीले ४४३ घनमिटर आरसिसी बाटो ढलान गरिसकेको उनकाे भनाई छ ।
असार मसान्त भित्रै उसले बाँकी काम सक्नु पर्नेछ । आर्थिक मसान्तको अन्तमा काम सुरु गरेर हतारमा निर्माण कम्पनीले कमसल काम गरिरहेको छ । सोमबार जस्तै मंगलबार बिहान पनि ठेकेदारले पालिका कार्यालयसंगै पश्चिम जनकपुर ढल्केवर सडक खण्ड जोडिएको सडकमा ढलान थालेपछि रोकेका छन् ।
निर्माण कम्पनीले जथाभावी कमसल काम गरेपनि मात्र ४ किलोमिटरको दुरीमा रहेका डिभिजन कार्यालयका अधिकारीहरु मुकदर्शक बनेका छन् ।
साे बाटो बनाउन सडक डिभिजनले गाउँपालिका र वडा कार्यालयसित समन्वय समेत गरेको छ । वडाध्यक्ष साहले पालिका प्रमुख भोगेन्द्र मिश्रसंग समन्वय गरेको प्रतिक्रिया दिँदै आफू व्यस्त रहेको फोनमा प्रतिक्रिया दिए ।
पालिका प्रमुख झा सो बाटो गुणस्तरहीन काम भइरहेकाले रोकेको स्थानीयबाट जानकारी पाएको बताए । ‘वडाले काम गर्ने सिफारिस दिएको छ । के कति इस्टिमेट छ, मलाई थाहा छैन’ पालिका प्रमुख झाले भने ।
इन्जिनियर दुर्गा प्रसादका अनुसार सडक डिभिजन र निर्माण कम्पनीसंग भएको सम्झौतामा आरसिसी ढलान गर्न १५ सेन्टिमिटर ग्राभेल, त्यसमाथि १२ एमएमको छड ओछ्याएर गुणस्तरीय सफा गिट्टी, बालुवा र सिमेन्टको मसालाले २० सेन्टिमिटर ढलान गर्नुपर्ने छ । ढलान सडकको चौडा अनुसार बढीमा साढे पाँच मिटरसम्म गर्नुपर्ने छ । स्थानीयले काम रोकेपछि सडक डिभिजनले तत्काल काम नगर्न ठेकेदारलाई निर्देशन दिएको बुझिएकाे छ । गुणस्तरहीन कामलाई सच्याउन र मापदण्ड अनुसार मात्र गर्न सडक डिभिजन जनकपुरका प्रमुख अरविन्द लाल कर्णले निर्देशन दिएका हुन् ।
यसअघि पनि त्यही अनुसार काम भएको जनताको गुनासो रहेको भन्ने जिज्ञासामा ठेकेदार ठाकुरले असभ्य शब्दमा गाली गलाैजमा उत्रेका थिए । काम गरेवापत निर्माण कम्पनीलाई सडक डिभिजन कार्यालयले ५५ लाख रुपैयाँ भुक्तानी दिइसकिएको जनाएको छ ।
यो विषयमा आफ्नो प्रतिक्रिया दिनुहोस् !