जनकपुरधाम, जेठ २१ गते । मधेश प्रदेशमा बेरोजगारी समस्या दिनानुदिन बढदै राेजगार कहालीलाग्दाे अवस्थामा पुगेकाे छ ।
देशमा राेजगारकाे व्यवस्था नहुंदा वैदेशिक रोजगारमा प्रत्येक वर्ष देशभरबाट पलायन हुने युवा जनशक्तिमा २५ प्रतिशत मधेशकै रहेको छ । श्रम तथा रोजगार विभागको तथ्यांक अनुसार चालु आर्थिक वर्षमा मात्रै देशभरबाट ६ लाख ५६ हजार ९७० वैदेशिक राेजगारीका लागि गएकाेमा मधेश प्रदेशबाट मात्रै १ लाख ५७ हजार ९८६ जना रहेका छन् । प्रदेशमा पनि सबभन्दा बढी धनुषा संख्या बढी रहेकाे छ ।
धनुषाबाट प्रति महिना औसतन साढै तीन हजार र सबभन्दा कम पर्सा जिल्लाकाे रहेकाे समाचारमा उल्लेख छ । चालु आ.व. मा धनुषाबाट ३४ हजार ८४७ जना रोजगारका लागि खाडी मूलुकतर्फ पलायन भएका छन् । यस्तै सप्तरीबाट १८ हजार ३३०, सर्लाहीबाट २० हजार ८९७, सिरहाबाट २५ हजार ७०२, महोत्तरीबाट २५ हजार ६७८, बाराबाट १२ हजार ६२६, रौतहटबाट १३ हजार २३०, र पर्साबाट ६ हजार ६७८ जना वैदेशिक रोजगारमा गएका छन् ।
धनुषाबाट श्रावणमा ३ हजार ५४३, भदौमा ४ हजार ३२२, असोजमा ३ हजार २३९, कात्तिकमा ३ हजार ५४७, मंसिर ३ हजार ४५८, पुसमा ३ हजार ६३८, माघ ३ हजार २४७, फागुनमा ३ हजार १२९, चैतमा ३ हजार ६८१ र वैशाखमा ३ हजार ४३ जना युवा जनशक्ति पलायन भएका हुन् ।
गत आ.व. ०७८/७९ मा देशभरबाट ६ लाख ३० हजार ९६ वैदेशिक रोजगारका लागि गएकोमा मधेश प्रदेशबाट जानेहरुको सख्या १ लाख ६९ हजार ५२१ रहेको थियो । आ.व. ०७७/७८ मा कोरोना संक्रमण जस्ता महामारी रहेपनि देशभरबाट जोखिम मोलेर एक लाख ६६ हजार ६९८ जना घरपरिवार त्यागेर रोजगारका लागि विदेशिएका थिए । जसमा मधेश प्रदेशबाट मात्रै करीब २८ प्रतिशतको हाराहारीमा ४५ हजार ७१७ युवा रहेका थिए ।
यस्तै आ.व. ०७६/७७ मा देशभरबाट रोजगारीका लागि ३ लाख ६८ हजार ४३३ जना खाडी मूलक सहितका देशहरुमा गएका छन् । जसमा मधेश प्रदेशबाट ८३ हजार ३५६ युवाहरु रहेको छ् । धनुषा जिल्लाबाट आ.व. ०७८/७९ मा ४१ हजार २९३, आव.व. ०७७/७८ मा १२ हजार ६८९ र आ.व. ०७६/७७ मा २० हजार ३४१ जना वैदेशिक रोजागरका लागि बाहिरिंदै गएको छ ।
राज्यको बजेटमा वैदेशिक रोजगाको रेमिटान्सले मात्रै ५० प्रतिशतभन्दा बढी रकम अगाेटदै आएकाृ छ । चालु आ. व. मात्रै ९ खर्ब ३ अर्ब ३९ करोड रुपैया रेमिटान्सको रुपमा संकलन गरेका छन् । गत आ.व. २०७८/०७९ मा १० खर्ब ७० अर्ब रकम रेमिटान्स भित्रिएको थियो ।
यो विषयमा आफ्नो प्रतिक्रिया दिनुहोस् !