जनकपुरधाम, २० बैशाख । महोत्तरीको बलबा नगरपालिकामा मस्जिदको शिलान्यास गरिएको छ ।
बुधबार बलबा नगरपालिका वडा नम्बर-११ (टिकुलिया टोल)मा मधेस प्रदेशका प्रदेशसभा सदस्य जयनुल राईले एक कार्यक्रमकाबीच मस्जिदको शिलान्यास गरेकाे जनाइएकाे छ ।
इस्लाम धर्मावलम्बीहरुलाई नमाज पढ्न सहज होस् भन्ने उद्देश्यले मस्जिदको शिलान्यास गरिएको प्रदेशसभा सदस्य राइनले बताए । उनले मस्जिद निर्माण भएपश्चात एक टोलबाट अर्को टोलमा नमाज पढ्न जानुपर्ने बाध्यताको अन्त्य हुने बताए ।
रमजान, इदको समयमा एकै ठाउँमा नमाज पढ्न जानुपर्थ्यो यसले समस्या हुने गर्थ्यो अब आफ्नै घर नजिक मुस्लिम दाजुभाइहरुले जुनसुकै समय सहजरुपले नमाज लगायतको धार्मिक गतिविधि गर्न सक्ने उनले बताए ।
१३ लाख रूपैयाँको लागतमा बन्ने उक्त मस्जिदमा स्थानियले समेत आ-आफ्नो स्तरबाट सहयोग गरिरहेको बलबा नगरपालिका वडा नम्बर-११ का लोसपा सभापति संतोष सिहंले जानकारी दिए ।
मस्जिद शिलान्यास कार्यक्रममा प्रदेशसभा सदस्य जयनुल राइन, वडा नम्बर-११ का वडाध्यक्ष अशोककुमार यादव, लोसपाका वडासभापति सन्तोष सिंह, युवा नेताहरु नवनित झा, अभिमन्यु कुमार, जागेश्वर चौधरी, सयिम कवारी लगायतकाहरूको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !