जनकपुरधाम, २४ चैत । प्रहरीले धनुषाबाट भारी मात्रामा अबैध गाँजासहित ट्रक र चालकलाई नियन्त्रणमा लिएकाे छ ।
शुक्रबार दिउँसो करिब १ बजेको समयमा प्रदेश प्रहरी कार्यालय जनकपुरधाम र जिल्ला प्रहरी का्यालय धनुषाबाट खटेको प्रहरीको टोलीले भारी परिमाणमा गाँजा बरामद गरेको हो ।
खाली ट्रकभित्र जस्तापाताले घेरेर लुकाएर लाँदै गरेको अवस्थामा प्रहरीले विशेष सूचनाको आधारमा ट्रकसहित गाँजा र चालकलाई प्रहरीले नियन्त्रणमा लिएको प्रहरीले जनाएको छ । प्रहरीले ढल्केवरबाट जनकपुरधामतर्फ गईरहेको ना७ ख ४२५१ नम्बरको ट्रकउपर शंका लागी चेकजाँच गर्दा गाँजा बरामद गरेको प्रहरीले जनाएको छ ।
११ किलोको १२ वटा पोकामा रहेको१ क्वीन्टल २४ किलो गाँजा प्रहरीले बरामद गरेको हो । प्रहरीले गाँंजासहित ट्रक चालक मनहरी नगरपालिका ८ मकवानपुर जिल्ला घर भएका शन्तबिर दोङ्लाई नियन्त्रणमा लिएको जनाईएको छ ।
उक्त गाँजा पहाडी जिल्लाबाट ल्याई भारततर्फ लाँदै गरेको प्रहरीको प्रारम्भिक अनुमान छ । बरामद गरेको गाँजा ट्रक र चालकलाई अब थप अनुसन्धानको लागी प्रदेश प्रहरी टोलीले जिल्ला प्रहरी कार्यालय धनुषामा पठाइएकाे जनाइएकाे छ ।
यो विषयमा आफ्नो प्रतिक्रिया दिनुहोस् !