जनकपुरधाम, फागुन १६ गते । विभिन्न मुद्दाका फरार २० जना प्रतिवादीलाई धनुषा प्रहरीले पक्राउ गरेको छ ।
जिल्ला प्रहरी कार्यालय धनुषा र मातहतका कार्यालयबाट खटिएको प्रहरी टोलीले साेमवार एकैदिनमा २० जना फरार प्रतिवादीलाई पक्राउ गरेको जनाइएकाे छ ।
प्रहरीले जिल्लाका विभिन्न स्थानहरूबाट विभिन्न मुद्दामा फरार रहेका फरार प्रतिवादीलाई पक्राउ गरी आवश्यक कारवाहीका लागि धनुषा जिल्ला अदालतमा उपस्थित गराइएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक बेदप्रसाद गौतमले जानकारी दिएका छन ।
पक्राउ पर्नेहरूमा जनकपुरधाम–२० बस्ने गुरू दयाल मण्डल, नगराईन नगरपालिका–९ बस्ने बिजय कुमार राउत, हंसपुर नगरपालिका–८ बस्ने राजेन्द्र मण्डल र शुसिल कुमार साह, मिथिला नगरपालिका–८ बस्ने बाध सिंह क्यापछाकी, कमला नगरपालिका बस्ने बिन्देश्वरी कुसियैत, जनकपुरधाम–२० बस्ने रामदयाल पासवान र कामेश्वर पासवान, औरही गाउँपालिका–६ बस्ने पल्टु सहनी रहेका छन् ।
त्यसैगरी जनकपुरधाम–१४ बस्ने सुनिल भन्ने सुशिल यादव, जनकपुरधाम–७ बस्ने जनक दास, बटेश्वर गाउँपालिका–६ बस्ने शैलेन्द्र महतो, सिता देवी महतो र बिमल महतो, शान्तिपुर–२ बस्ने मनोज कुमार साह, रामचन्द्र साह, जगदिश साह र बिमला कुमारी देवी, जनकपुरधाम–२० बस्ने रामदयाल पासवान र कामेश्वर पासवानलाई पनि पक्राउ गरिएकाेछ ।
यो विषयमा आफ्नो प्रतिक्रिया दिनुहोस् !