जनकपुरधाम, ८ फागुन । जनकपुरधामस्थित म्याक्स हस्पिटलमा निशुल्क क्यान्सर स्वास्थ्य शिविर सम्पन्न भएकाे छ ।
साेमवार पूर्वाञ्चल क्यान्सर हस्पिटलद्वारा आयाेजित साे निशुल्क क्यान्सर स्वास्थ्य शिविरमा ११० जना बिरामीले चेकजांच गराएका छन । साे स्वास्थ्य शिविरमा पाठेघर, स्तन, मुख, नाक, काम र शरीरका अन्य भागमा भएका क्यान्सर राेगीहरूकाे क्यान्सर राेग विशेषज्ञ चिकित्सकहरूले चेकजांच गरेका थिए ।
साे स्वास्थ्य शिविरकाे मधेश प्रदेशका सभामुख रामचन्द्र मण्डलले उद्घाटन गरेका थिए । उद्घाटन सत्रलाई सम्बाेधन गर्दै सभामुख मण्डलले नीजि होस्पिटलले समाजका लागि पनि सेवा देखिने गरि काम गर्न आग्रह गरेका छन । उनले समाजमा नीजि क्षेत्रका संस्थाले समाजबाट व्यवसायीक रुपमा लाभ रहदाँ समाजप्रतिके दायित्व बिर्सिदाँ नाकारात्मक विचारको विकास हुनु दुर्भाग्यपूर्ण रहेको बताए ।
सभामुख मण्डलले भने, ‘अहिले समाजमा हस्पिटल, नीजि बैंक, नीजि विद्यालय, होटेललगायतका संस्थाहरु जथाभावीरुपमा खोलिएपनि समाजमा उनीहरुको लगानी नहुदाँ समाजप्रतिको दायित्व भन्दा पनि नाफामुलक व्यवसायीले समाजमा नकारात्मक सोचको विकास भईरहेको छ ।
पूर्वाञ्चल क्यान्सर होस्पिटलले जनकपुरधाममा आएर क्यान्सरको रोगीहरु पत्ता लगाउने कार्य सराहनीय रहेको बताउँदै उनले सेवाभावले काम गर्नु समाजप्रति कर्तव्यबोध समेत रहेको बताए ।
यस स्वास्थ्य शिविरमा पूर्वाञ्चल क्यान्सर होस्पिटल तथा विएनसि मेडिकल कलेजका निराजन प्रसाई, मैक्स लाईफका मेडिकल डाइरेक्टर कृष्णकुमार साह, पूर्वाञ्चल क्यान्सर होस्पिटलका मेडिकल डाइरेक्टर वीरेन्द्र यादवलगायतले पनि आफना धारणा राखेका थिए ।
यो विषयमा आफ्नो प्रतिक्रिया दिनुहोस् !