जनकपुरधाम, मंसिर २४ गते । मधेश प्रदेशमै पहिलाे पटक अर्थाेस्काेपी सेवा जनकपुरधामसंग जाेडिएकाे धनुषाकाे लक्ष्मिनिया गाउपालिका ६ स्थित सेन्ट्रल हस्पिटलले संचालनमा ल्याएकाे छ ।
दुरबीनले साना प्वाल बनाएर गरिने साे अर्थाेस्काेपी सेवाकाे शनिवार एक बिरामीलाई सफल शल्यक्रिया गरि शुभारम्भ गरिएकाे छ ।
सर्लाही बसतपुरका २१ वर्षिय सुबाेध यादव भन्ने ती बिरामीकाे घुँडा भित्र भागमा च्यातिएकाे र घुँडा भित्र रहेकाे लूज बडीकाे दुरबीनकाे मद्दतले दुईवटा सानाे प्वाल ( २-४ एमएम) बनाएर बी एण्ड बी हस्पीटलका हाडजाेर्नी राेग विशेषज्ञ डा. राजीव शर्मा र डां सन्दीप शर्मा नेतृत्वकाे टाेलीले सफल अर्थाेस्काेपी शल्यक्रिया गरेकाे सेन्ट्रल हस्पीटलका व्यस्थापक विजय झाले जानकारी दिएका छन् ।
उनले भने याे अपरेशनमा बढी चिरफार नगर्नाले ठूला घाउ नहुने भएकाले अपरेशनकाे केही बेरमै बिरामी बिना कुनै तकलिफकाे हिंडेर हि्पीटलबाट गएकाे छ ।
झाले भने बी एण्ड बी हस्पीटलका हाडजाेर्नी राेग विशेषज्ञ डा. राजीव शर्मा र डां सन्दीप शर्माले याे सेवा प्रदेशकाे राजधानी जनकपुरधाममै सेन्ट्रल हस्पिटलमा दिन थालेपछि बिरामीलाई काठमाडाै धाउनुपर्ने समस्या टरेकाे छ ।
डा. सन्दीप शर्माका अनुसार दूरबीनकाे मद्दतले गरिने अर्थाेस्काेपी शल्यक्रियामा बढी चिरफार नगर्नाले ठुलाे घाउ नहुने, सानाे घाउ हुंदा बिरामी चांडै निकाे हुने, कम समय लाग्ने लगायतका फाइदा रहेकाे छ ।
निजी अस्पतालतर्फ निशुल्क प्रसुति सेवा दिदैं आएका साे अर्थाेस्काेपी प्रविधिबाट लुज बडी निकाल्नुका साथै लिगामेन्ट इन्जुरी (एसीएल, पिसएल), मेनीसर (कुरकुरे हड्डी) काे शल्यक्रिया उपचार सेन्ट्रल हस्पीटलबाट दिइने झाले बताए ।
घुँडा अड्किने, घुँडा फुन्किने, घुँडा माेड्दा अप्ठ्याराे हुने, बेला बेलामा खुट्टा सुनिने जस्ता लक्षण भएमरका लिगामेन्ट इन्जुरीका सफल उपचार पनि अर्थाेस्काेपी प्रविधिबाट साे अस्पतालमा दिइ रहेकाे डा. राजीव शर्माले बताए ।
यो विषयमा आफ्नो प्रतिक्रिया दिनुहोस् !