जनकपुरधाम, कार्तिक २६ गते । धनुषा निर्वाचन क्षेत्र नम्बर १ बाट प्रतिनिधिसभाका उम्मेदवार किशोरी साह कमलले मतदाताहरुसंगको भेटघाटलाई तीव्रता दिएका छन् ।
निर्वाचनको मिति नजिकिएसंगै कमलले मतदातालाई आफ्नो पक्षमा पार्न भेटघाट तथा घरदैलोलाई तीव्र बनाएका हुन् । जनमत पार्टीबाट धनुषा १को प्रतिनिधिसभामा उम्मेदवारी दिएका कमलले आफ्नो पक्षमा मतदान गर्नका लागि अपिल गर्दै मतदाताको घर घर पुगिरहेका छन् ।
निवर्तमान प्रदेशसभा सदस्य समेत रहेका कमलले आफ्नो कार्यकालमा थुप्रै विकास निर्माणदेखि सामाजिक परिवर्तनका कामहरु पनि गरेको दावी गर्दै एक पटक प्रतिनिधिसभामा अवसर दिन अपिल गरे । घरदैलो अभियानलाई तिव्रता दिएका कमल आफुले विकास र परिवर्तनका लागि थुप्रै योजनाहरु बनाएर काम गर्ने सोच बनाएको जानकारी दिए ।
यस अघि एमालेमा छँदा आफूले यस क्षेत्रमा काम गरेकै कारण फेरी अवसर मागेको र त्यहाँ टिकेट नदिएर आफ्नो राजनीतिक तथा सामाजिक लगानीको अपमान भएको गुनासो गरे । आफ्नो जीले यस क्षेत्रमा एमालेका लागि कडा जवाफ हुने उनले बताए ।
यो विषयमा आफ्नो प्रतिक्रिया दिनुहोस् !