जनकपुरधाम, कार्तिक २५ गते । धनुषा ३(क)मा जनमत पार्टीबाट प्रदेशसभा सदस्य उम्मेदवार दिएका डा. प्रसन्न झाले मतदाताहरूलाई कसैको दवाब र प्रभावमा नपर्न आग्रह गरेका छन् ।
मंसिर ४ गतेको निर्वाचन नजिकिएसँगै विभिन्न किसिमका प्रलोभनमा पारेर मतदाता रिझाउने प्रवृति बढ्ने गरेकोमा चिन्ता व्यक्त गर्दै उम्मेदवार झाले सही सुझाव दिएर सही मार्गमा डो¥याउनुपर्नेमा जोड दिएका हुन् ।
मुखियापट्टी मुसहरनियाको विभिन्न गाउँमा घरदैलोका लागि पुगेका झाले जनमत पार्टीको पक्षमा मतदान गर्न आग्रह गरे । विकास र समृद्धिका लागि जनमत पार्टीको नेतृत्व आवश्कय रहेको उनको भनाई थियो ।
मतदाताको विश्वासलाई आफुले सार्थकतामा परिणत गर्ने प्रतिबद्धता समेत उनले गरे । आफूसंग प्रदेश र यस क्षेत्रको विकासका लागि विभिन्न एजेण्डाहरु रहेकाले आफूमाथी विश्वास गरेर एक पटक परिक्षणका लागि भएपनि अवसर दिन मतदाताहरुलाई आग्रह गरे ।
यो विषयमा आफ्नो प्रतिक्रिया दिनुहोस् !