जनकपुरधाम, कातिक २३ गते । धनुषा निर्वाचन क्षेत्र नम्बर ३(ख)का प्रदेशसभा प्रदेश सभा सदसय उमउम्मेदवार दीपेन्द्र ठाकुरले विकास चाह्ने जनता एमालेकै पक्षमा मतदान गर्ने मूड बनाई सकेको दावी गरेका छन् ।
बुधबार घरदैलोका लागि विभिन्न ठाउँमा पुगेका एमाले उम्मेदवार ठाकुरले प्रदेश र देश बनाउन चाह्नेहरु एमालेकै पक्षमा मतदान गर्ने विश्वास व्यक्त गरे ।
नेपाली जनता भ्रष्टाचार, अन्यायबाट आजित भई सकेका छन्, अब भ्रषटाचारबाट मुक्ति चाहन्छन्, ठाकुरले भने ‘भ्रष्टाचार र अन्यायबाट मुक्ति चाहनु हुन्छ भने एमाले पक्षमा मतदान गर्नुस ।’ उनले देश अहिले भ्रष्टाचारी र विकासप्रेमी गरी दुई कितामा बाँडिएको दावी गरे ।
एउटा कित्ता ५ दलिय सत्ता गठबन्धन हो जहाँ भ्रष्टाचार र अन्याय मात्रै छ, अर्को एमाले नेतृत्व छ जुन देश विकासका लागि निरन्तर खटिरहेको दावी गरे । अब जनता विकास चाहिरहेका छन्, उनले भने ‘जनताले भ्रष्टाचारीहरुलाई कदापी मत दिदैनन् ।’ एक मतले देशको भविश्य निर्माण गर्न सक्ने भएकाले सोच विचार गरेर मात्रै मतदान गर्न मतदाताहरुलाई उनले आग्रह गरे ।
उम्मेदवार ठाकुरले आफ्नो मुख्य एजेण्डा नै युवाहरुको सुरक्षित भविश्य निर्माण र भ्रष्टाचारबाट मुक्ति रहेको समेत बताए । उनले मधेश र मधेशीको नाममा विभाजित गराउनेहरुलाई मत माग्ने कुनै अधिकार नरहेको बताउँदै गएको ५ वर्षमा उनीहरुले के के गरे त्यसको हिसाब किताब खोज्न समेत मतदाताहरुलाई आग्रह गरे । उनले आफू निर्वाचित भएर कुनै काम नगरे जनताले मसंग पनि हिसाब खोज्न पाउनेछन् भन्दै प्रतिवद्धता व्इक्त गरे ।
यो विषयमा आफ्नो प्रतिक्रिया दिनुहोस् !