जनकपुरधाम, कात्तिक १९ गते । महोत्तरी क्षेत्र नम्बर २ प्रतिनिधि सभाका उम्मेदवार शरतसिंह भण्डारीले जनताको हितको रक्षाका लागि काम गर्ने प्रतिबद्धता जनाएका छन ।
शनिबार महोत्तरीको बन्चौरी घरदैलोको क्रममा मतदाताहरुसँग मत माग्दै भण्डारीले गरिबी, बेरोजगारी र अशिक्षाको अन्त्य गरी शिक्षा, स्वास्थ्य, आवास, रोजगार र सुरक्षामा सबैको समान पहुँच र आधिकारको प्रत्याभूति गराउने, सबै जाति, भाषा, धर्म, संस्कृति र समुदायका जनताको हित रक्षाका लागि काम गर्ने प्रतिवद्धता व्यक्त गरे ।
भण्डारी सो क्षेत्रका जनताहरुको गुनासो सुन्न्ुका साथै आफ्नो पक्षमा मत मागनका लागि चुनावी प्रचार प्रसारलाई तीव्रता दिएका हुन् । भण्डारी विशेष गरेर कृषिको आधुनिकीकरण गरी आन्मनिर्भरतालाई प्राथमिकता दिइ काम गरिने उनले बताए ।
यसका साथै मधेशी जनताले प्राप्त गर्न बाँकी रहेको अधिकारका लागि संघर्षलाई जारी नै राख्ने भण्डारीको भनाई थियो । यसअघि २०७४ सालको निर्वाचनमा समेत भण्डारी यसै क्षेत्रबाट प्रतिनिसभामा निर्वाचित भएका थिए ।
मत माग्न पुगेका पांच दलीय गठबन्धनबाट लोकतान्त्रिक समाजवादी पार्टीका उम्मेदवार रहेका भण्डारीलाई मतदाताले माला तथा अबिर लगाएर स्वागत समेत गरेका थिए ।
यो विषयमा आफ्नो प्रतिक्रिया दिनुहोस् !