जनकपुरधाम, कात्तिक ११ गते । धनुषा क्षेत्र नम्बर ४ (१) बाट प्रदेश सभा सदस्यका उम्मेदवार शेषनारायण यादवले चुनावी प्रचार प्रसारको क्रममा घरदैलो सँगै पार्टी प्रवेश कार्यक्रमलाई पनि तिव्रता दिएको छ ।
पांच दलीय सत्तारुढ गठबन्धनबाट कांग्रेसका उम्मेदवार यादवले पहलमा प्रत्येक दिन दर्जनौको संख्यामा विभिन्न पार्टी परित्याग गरी नेपाल कांग्रेसमा प्रवेश गर्दै आएका छन ।
यसैक्रममा शुक्रवार समेत विभिन्न पार्टी परित्या गरी लक्ष्मिनियाँ गाउँपालिका वडा नम्बर ६ निकाल टोलका विन्देश्वर यादवको नेतृत्वमा दर्जनौ व्यक्ति कांग्रेसमा प्रवेश गरेका छन । नवप्रवेशीहरुलाई प्रतिनिधि सभाका उम्मेदवार महेन्द्र यादव र शेषनारायण दुवैले संयुक्त रुपमा फुलमाला र टिकाई बधाई दिदैं स्वागत गरेका छन ।
यसैबीच शुक्रवार उम्मेदवार यादवले मिथिला विहारी वडा नम्बर ९ अन्दुपटी कटरैतमा घरदैलो कार्यक्रम सम्पन्न गरेका छन । घरदैलोको क्रममा स्थानीयवासीले उनलाई जितको शुभकामना दिदै बधाई ज्ञापन गरेका छन । उनीहरुसंगै घरदैलो कार्यक्रमको क्रममा पांचदलीय गठबन्धनका माओवादी, नेकपा एस, लोसपा पार्टीका दर्जनौ नेता कार्यकर्ताहरुको सहभागिता रहेको थियो ।
घरदैलोको क्रममा नेता शेषनारायणले देशलाई आर्थिक र सामाजिकले रुपले ध्वस्त पारेका कथित मधेशवादी दल र प्रतिगमन शक्ति विरुद्ध एकजुट भएर सत्तारुढ दल गठबन्धनका उम्मेदवारलाई जिताउन आग्रह गरेका थिए । उनले मतदाताहरुसंग नागरिकता समस्या र देशको समग्र विकासका लागि कांग्रेस बाहेक अर्को विकल्प नभएकाले कांग्रेस नेतृत्वको गठबन्धनलाई जिताउन आग्रह गरेका छन ।
घरदैलोको क्रममा स्थानीय मतदाताहरुले प्रतिगमनकारी शक्ति भनिएका एमाले देशलाई पुर्णरुपले ध्वस्त पारेको र कथित मधेशवादी दल जसपाले सत्तामा पुग्न मधेश आन्दोलनको मुद्दा समाप्त पारेकाले तिनीहरुलाई कुनैपनि हालतमा जित्न नदिने विश्वास व्यक्त गरेका थिए ।
यो विषयमा आफ्नो प्रतिक्रिया दिनुहोस् !