जनकपुरधाम, कात्तिक ५ गते । चुनावी प्रसार प्रसारका लागि सत्तारुढ गठबन्धनका नेपाली कांग्रेसले धनुषा क्षेत्र नम्बर ४ (क) का लागि जनकपुरधाम उपमहानगरपालिका वडा नम्बर १४ रजौलमा कार्यालय उद्घाटन गरेका छन ।
धनुषा–४ प्रतिनिधिसभा सदस्यका उम्मेदवार महेन्द्र यादव र (क) प्रदेशसभा सदस्यका उम्मेदवार शेषनारायण यादवले संयुक्त रुपमा प्रचार प्रसार कार्यालयको उद्घाटन गरेका हुन् । सो अवसरमा जनकपुरधाम–९ का वडाध्यक्ष परमेश्वर साह, बजरंग यादव लगायतका नेता कार्यकर्ताहरुको उपस्थिति रहेको थियो । प्रदेशसभा सदस्य पदका उम्मेदवार शेषनारायण यादवले शुक्रबार नै लक्ष्मीनियाँ गाउँपालिका–३ मा कार्यकर्ता भेला गरेका छन् ।
कार्यकर्ता भेलालाई सम्बोधन गर्दै क्षेत्र ४ (क) का उम्मेदवार शेषनारायण यादवले नागरिकता समस्या समाधान र आर्थिक विकासका लागि गठबन्धनका उम्मेदवार जिताउन नेता कार्यकर्ताहरुसंग आग्रह गरे । उनले भने गठबन्धनको सरकार बने धेरै हदसम्म आम जनताका आधारभूत आवश्यकता पुरा हुनेछ ।
सो अवसरमा लक्ष्मीनियाँ गाउँपालिकाका निवर्तमान अध्यक्ष विन्देश्वर यादव, नेपाली कांग्रेसका नेता डा. सत्रुधन यादव, वडाध्यक्षका प्रत्यासी लगायतको उपस्थिति रहेको थियो ।
यस्तै शुक्रबार नै उम्मेदवार यादवले क्षीरेश्वरनाथ नगरपालिका–१० को प्रस्टोकीमा भेटघाट कार्यक्रम गरेका छन् । पार्टीका स्थानीय कार्यकर्ता र मतदातालाई उम्मेदवार यादवले भेटघाट गर्दै सहयोगको लागि आग्रह गरेको घनश्याम यादवले जानकारी दिएका छन ।
यो विषयमा आफ्नो प्रतिक्रिया दिनुहोस् !