जनकपुरधाम, कात्तिक ३ गते । सत्तारुढ पाँच दलीय गठबन्धनका धनुषा–४ (क) मा उम्मेदवारहरुले बिहीबार चुनावी अभियानलाई निरन्तरता दिदै जनकपुरधाम–१९ बेंगामा पार्टी प्रचार सम्पर्क कार्यालय उद्घाटन गरेका छन् ।
एक कार्यक्रमका बीच धनुषा–४ बाट प्रतिनिधिसभाका उम्मेदवार महेन्द्र यादव र प्रदेशसभा (क) का उम्मेदवार शेषनारायण यादवले बिहीबार साँझ बेंगामा आयोजित संयुक्त रुपमा नेपाली कांग्रेस प्रचार प्रसार सम्पर्क कार्यालयको उद्घाटन गरेका हुन् ।
सो अवसरमा पार्टीका जिल्ला सभापति योगेन्द्र पजियार क्षेत्र नं. ४ का क्षेत्रीय सभापति कुमरकान्त झा, वडासभापति लगायत कांग्रेसका नेता कार्यकर्ताको उपस्थिति रहेको थियो । यसअघि बिहीबार नै उम्मेदवारद्वय महेन्द्र र शेषनारायणले लक्ष्मीनियाँ गाउँपालिका–५ बनिनियाँमा पार्टी सम्पर्क कार्यालयको उद्घाटन गरेका थिए ।
सो अवसरमा लक्ष्मीनियाँ गाउँपालिकाका नेता कार्यकर्ताहरुको उपस्थिति रहेको थियो । पाँच दलीय गठबन्धनबाट नेपाली कांग्रेसका सहमहामन्त्री महेन्द्र यादवले प्रतिनिधिसभा र शेषनारायण यादवले प्रदेशसभा(क) बाट उम्मेदवारी दिएर प्रचार अभियानमा जुटेका छन् ।
यो विषयमा आफ्नो प्रतिक्रिया दिनुहोस् !