जनकपुरधाम, असोज ३१ गते । जिल्ला समन्वय समिति धनुषाका अध्यक्ष राजनन्दन मण्डलले कुनै पनि संघ संस्था लामो समयसम्म टिकाउन निकै चुनौतीपुर्ण रहेको बताएका छन ।
सोमवार जनकपुरधाम स्थित गैर सरकारी संस्था जानकी महिला जागरण समाज (ज्वास) को २९ औं साधारण सभाको उद्घाटन सत्र कार्यक्रमलाई सम्बोधन गर्दै प्रमुख अतिथि समेत रहेका मण्डलले २९ वर्षसम्म कुनै संघ संस्थालाई निरन्तरता दिनु ठूलो चुनौतीको कुरा रहेको बताए ।
जानकी महिला जागरण समाजले दलित किशोरीहरुलाई आत्मनिर्भर बनाउने, शिक्षा र स्वास्थ्य क्षेत्रमा निरन्तर काम गर्दै आइरहेको कारण नै यति लामो समयदेखि निरन्तरता पाइरहेको भन्दै उनले ज्वासलाई आफ्ना सेवालाई हरेक स्थानीय तहसम्म पुरयाउन आग्रह गरे ।
त्यस्तै कार्यक्रम विशिष्ट अतिथि जनकपुरधाम उपमहानगरपालिकाका मेयर मनोज साहले जानकी महिला जागरण समाजलाई सेवा कार्यको आफ्नो दायरा बढाउन आग्रह गर्दै उपमहानगरपालिका क्षेत्रमा पनि सेवा विस्तार गरे सहयोग गर्ने प्रतिबद्धता जनाए । उनले जनचेतना र सीपमूलकल तालिमबाट अवसरबाट वञ्चित तथा उपेक्षित वर्गको जीवन उक्सानमा गैर सरकारी संघसंस्थाहरुको महत्वपूर्ण योगदान रहेकोमा ज्वास पनि एक रहेको भने ।
वि.सं. २०५० सालमा धनुषाबाट दर्ता भई सञ्चालनमा आएका जानकी महिला जागरण समाज अन्तराष्ट्रिय संघ संस्थाहरुको सहकार्य तथा साझेदारीमा ३४ वटा जिल्लामा बाल विकास, गरीबी निवारण, बालिका शिक्षा प्रवद्र्धन, सामुदायिक विकासका लागि महिला सशक्तिकरण र सामाजिक रुपान्तरणको काम गर्दै आएका छन ।
ज्वासले दलितका मुसहर जातिको किशोरीहरुलाई राजनीतिक, आर्थिक र सामाजिक रुपमा सशक्त बनाउन जीवन उपयोगी सिप तथा अनौपचारिक शिक्षा, बालविवाह समाप्त पार्न बालिकाहरुलाई शिक्षाको माध्यमबाट सशक्तिकरण बनाउने, किशोरीहरुलाई कोभिड, लैंगिक, हिंसा र प्रजनन स्वास्थ्य सम्बन्धी तालिम लगायतका कार्यक्रम निरन्तर रुपमा गर्दै आइरहेका छन ।
देशमा संघीयता आएपछि मधेश प्रदेशमा केन्द्रित भई ज्वासले प्रदेशका ८ वटै जिल्लाका स्थानीय तहहरुको प्रदेश नम्बर १ का सुनसरी जिल्लामा समेत आफ्ना कार्यक्रम संचालन गर्दै आएका छन । ज्वासका अध्यक्ष तुलसा आचार्यको अध्यक्षतामा सम्पन्न सो कार्यक्रममा विशिष्ट अतिथि नेपाल पत्रकार महासंघ मधेश प्रदेशका अध्यक्ष राजेश कर्णको उपस्थिति सहित संस्थाका पदाधिकारी सहित सदस्यहरुको उल्लेखनीय सहभागिता रहेको थियो ।
यो विषयमा आफ्नो प्रतिक्रिया दिनुहोस् !