वीरगञ्ज, असोज ३१ गते । जिल्ला प्रशासन कार्यालय (सिडिओ अफिस) पर्सामा खुलेआम घुसखोरी भइरहेको कुरा पुष्टि सो कार्यलयका एक कर्मचारी घुससहित पक्राउ परेकोबाट भएको छ ।
सोमवार अख्तियार दुरुपयोग अनुसन्धान कार्यालय हेटौडाबाट खटेको टोलीले जिल्ला प्रशासन कार्यालयका एक कर्मचारीलाई पांच हजार रुपैया घुस सहित रंगे पक्राउ गरेका हुन ।
कार्यालयका कर्मचारीहरुले कागजात नमिलेको बहाना सोझा साझा सेवाग्राहीलाई दुःख दिने गरेको तथा घुस दिन बाध्य पार्ने गरेको सेवाग्राहीहरुको गुनासोमा अख्तियारबाट खटेको टोलीले मुद्दा शाखाका कार्यरत संजय कुमार यादवलाई घुस सहित पक्राउ गरेको हो ।
एक सेवाग्राहीसँग जग्गा फुकुवा गराई दिने भन्दै यादवले घुस लिएका थिए । सेवाग्राहीका अनुसार काम गराई दिनको लागि १६ हजार यादवले मागेकोमा ६ हजार यसअघि नै बुझिसकेका छन् । अख्तियारको टोलीलाई कर्मचारीले घुस लिइरहेको सूचना प्राप्त भएपछि रंगेहात पक्राउ जिल्ला प्रशासन कार्यालय पर्सामा पुगेको थियो ।
जिल्ला प्रशासन कार्यालयमा घुस लिने दिने कार्य भइरहेको सूचनाको अधारमा अख्तियार दुरुपयोग अनुसन्धान आयोगको कार्यालय हेटौडाका डिएसपी हेमबहादुर केसीको नेतृत्वमा गएको टोलीले एक जना कर्मचारीलाई घुसको रकम सहित रंगेहात पक्राउ गरेको अख्तियार दुरुपयोग अनुसन्धान आयोगको कार्यालय हेटौडाले जनाएको छ ।
यो विषयमा आफ्नो प्रतिक्रिया दिनुहोस् !