जनकपुरधाम, असोज ३१ गते । जनताको आधारभूत आवश्यक्ता सहज रुपमा पूरा होस भन्ने उद्देश्यका आफूले उम्मेदवारी दिएको राष्ट्रिय स्वतन्त्र पार्टीबाट धनुषा ३ को प्रतिनिधिसभाका लागि उम्मेदवारी दिएका डा. रंजित पजियारले बताएका छन ।
सोमवार पत्रकारहरुसँगको भेटघाटमा डा. पजियारले मुलुक भ्रष्टाचारको दलदलमा फंस्दै गएको कारण जनताको आधारभूत आवश्यक्ता पुर्ति नभइरहेको कारण ती समस्या समाधानका लागि आफू चिकित्सकीय पेशाबाट चुनावी मैदानमा उत्रेका बताए ।
धनुषा ३ को प्रतिनिधिसभाका उम्मेदवार पंजियारले सबै दलका नेता कार्यकर्ताहरुलाई मतदाताले परिक्षण गरिसकेकाले यस पटक आफूलाई यहाँका मतदाताले अवसर दिने विश्वास व्यक्त गरे । मुलुकमा शिक्षा, स्वास्थ्य, रोजगारीको अवस्था दयनिय रहेको समयमा यसमा सुधार ल्याउने हाम्रो प्रमुख लक्ष्य रहेको उनले भने ।
आफ्नो प्रदेशमा स्वास्थ्य सेवाको खस्कदो अवस्थालाई देखेर नै आफू चिन्तित भएको र त्यसमा सुधार ल्याउने उद्देश्यले राजनीतिमा लाग्ने निर्णय गरेको स्पष्ट गरे । मधेस प्रदेशमा स्वास्थ्यको स्थिति जर्जर छ नै त्यसमाथी मधेश स्वास्थ्य विज्ञान प्रतिष्ठान स्वास्थ्य सेवा प्रदान गर्नुभन्दा राजनीतिको अखाडा बनेकोमा आक्रोश समेत व्यक्त गरे । उनले आफू निर्वाचित भए स्वास्थ्य संस्थामा सुधार ल्याउनुका साथै स्वास्थ्य सेवामा सुधार ल्याउनका लागि समेत प्रयास गर्ने प्रतिवद्धता व्यक्त गरेका छन ।
त्यस्तै रोजगारी नपाएर युवाहरु हातमुख जोर्नकै लागि वैदेशिक रोजगारीका लागि पलायन भईरहेका छन्, शिक्षाको अवस्था कमजोर नै छ, महिला सशक्तिकरणका लागि खासै पहल भएको छैन यी यावत समस्याहरु समाधान गर्ने हाम्रो दलको प्रमुख लक्ष्य रहेको पजियारले बताए ।
यो विषयमा आफ्नो प्रतिक्रिया दिनुहोस् !