जनकपुरधाम, असोज ३० गते । धनुषा ३ (ख) मा सत्तारूढ गठबन्धनका उम्मेद्वार परमेश्वर साह चुनावी प्रचार प्रसारकाे क्रममा घरदैलाे कार्यक्रम शुरू गरेका छन ।
आइतवार जनकपुरधाम उपमहानगरपालिका वडा नम्बर १ स्थित रेल्वे स्टेशनबाट शुरु भएको घरदैलो कार्यक्रमम साहले प्रतिनिधि सभाका उम्मेद्वार अनिल झा र संयुक्त रूपमा घरदैलाे गर्दै गठबन्धनको पक्षमा मतदान गर्न आग्रह गरेका छन ।
घरदैलो कार्यक्रममा सत्ता गठबन्धनबाट उम्मेदवारी दिएका धनुषा ३ को प्रतिनिधिसभाका उम्मेदवार अनिल झा र धनुषा ३ (ख) को प्रदेशसभाका उम्मेदवार साह संगसंगै घरदैलो कार्यक्रममा पुगेका थिए । घरदैलोको क्रममा उम्मेदवारहरुले आफ्नो आफ्ना दलको एजेण्डा मतदातालाई बुझाउने प्रयास गरेका थिए ।
घरदैलोकाे क्रममा प्रतिनिधिसभाका उम्मेदवार झाले आफूले रौतहट जस्तै धनुषामा पनि अगाध माया पाईरहेको भन्दै यहांका मतदाताहरु गठबन्धनकै पक्षमा गर्नेछ भन्ने विश्वस्त रहेकाे बताए । ३ (ख) क प्रदेशसभाका उम्मेदवार साहले संघियतालाई संस्थागत गर्नका लागि आफूले फेरी प्रदेशसभामा उम्मेदवारी दिएको बताए ।
उनले प्रदेशको नामाकरण गर्यो, राजधानी बनायौँ तर संघियता अनुरुप काम अगाडी बढ्न नसकेकोमा दुखेसो पोखे । जनकपुरधामलाई राजधानीको स्वरुपमा ल्याउन र संघियता अनुरुप काम अगाडी बढाउन बाँकी कामहरु आफूहरुले पूरा गर्ने प्रतिवद्धता व्यक्त गरे ।
हाम्रो गठबन्धनको सरकार बनयो भने यहाँका जनताका समस्या समाधान गर्नुका साथै विकास निर्माणका कामहरुलाई समेत गति प्रदान गर्ने प्रतिबद्धता गरे ।
यो विषयमा आफ्नो प्रतिक्रिया दिनुहोस् !