जनकपुरधाम, असोज २३ गते । धनुषा निर्वाचन क्षेत्र नम्बर ३ बाट प्रतिनिधि सभाका लागि नेपाल पत्रकार महासंघका पूर्व अध्यक्ष उमेश साहले स्वतन्त्र उम्मेदवारी दर्ता गराएका छन् ।
नेपाल समाजवादी पार्टीका नेतासमेत रहेका साहले जनकपुरधामस्थित निर्वाचन क्षेत्र नम्बर ३ को मुख्य निर्वाचन अधिकृतको कार्यालयमा उम्मेदवारी दर्ता गराएका छन । नेसपाले चुनावमा भाग नलिने घोषणा गरेपछि उनले स्वतन्त्रबाट उम्मेदवारी दर्ता गराएका हुन ।
बाजागाजासहित साहले आफ्नो उम्मेदवारी दर्ता गराएका छन् । पार्टीभित्र नातावाद, कृपावाद तथा परिवारवादको अन्त्यका लागि आफ्नो उम्मेदवारी रहेको साहले बताए ।
उम्मेदवारी दर्ता गराउँदै साहले भने, जीत हार अलग कुरा हो ‘राजनीतिक दलबाट जनताको विश्वास उठिसकेको छ । जनताको भावना अनुसार जनताको कार्य गर्नकालागि आफूले उम्मेदवारी दिएको हुँ ।
त्यस्तै धनुषा निर्वाचन क्षेत्र नम्बर ३ बाटै प्रतिनिधि सभामा मिलन कुमारी साहले स्वतन्त्र उम्मेदवारी दिएकी छन् भने नेमकिपाबाट रामहृदय साहले उम्मेदवारी दर्ता गराएका छन् । त्यस्तै, प्रदेश सभातर्फ धनुषा ३ (ख) मा तराई मधेस लोकतान्त्रिक पार्टीबाट जनकपुरधाम उपमहानगरपालिकाका पूर्वउपमेयर असगर अलीले समेत उम्मेदवारी दर्ता गराएका छन् ।
यो विषयमा आफ्नो प्रतिक्रिया दिनुहोस् !