जनकपुरधाम, असोज २३ गते । सत्ता गठबन्धनको चुनावी तालमेलमा अटाउन नसकेका लोकतान्त्रिक समाजवादी पार्टी नेपालका वरिष्ठ नेता राजेन्द्र महतो अन्ततः प्रतिनिधि सभाका लागि सर्लाही–२ बाट उम्मेदवारी मनोनयन गराएका छन् ।
यसअघिसम्म धनुषाको क्षेत्र नम्बर ३ बाट उम्मेदवारी दिने चर्चा रहेकोमा सो क्षेत्रमा लोसपाकै नेता अनिल झाले टिकट पाएपछि उनी आफ्नै गृह जिल्ला सर्लाही क्षेत्र नम्बर २ बाट उम्मेदवारी दिएका छन ।
सत्ता गठबन्धनको चुनावी तालमेलमा लोसपाले ८ सिट पाउने भनिएपनि ७ सिट मात्र पाउंदा महतोले सर्लाही २ रोजेर उम्मेदवारी दिएका हुन । सो क्षेत्रमा सत्ता गठबन्धनबाट डा. बाबुराम भट्टराई नेतृत्वको नेपाल समाजवादी पार्टीका महेन्द्र राय यादवले माओवादीको छाप लिएर उम्मेदवारी दिएका छन ।
सत्ता गठबन्धनमा सहमति नहुँदा उनीहरू दुवैले छुट्टाछुट्टै उम्मेदवारी दिएका छन् । यादव सोही क्षेत्रका निवर्तमान सांसद हुन् भने महतो धनुषा–३ का निवर्तमान सांसद हुन् ।
यो विषयमा आफ्नो प्रतिक्रिया दिनुहोस् !