जनकपुरधाम, असोज १७ गते । जनकपुरधामको प्रसिद्ध शक्तिपीठ माता राजदेवी मन्दिरमा करीब १५ हजार बाेका बलिप्रदान सम्पन्न भएकाे छ ।
वडा दशै महाष्टमीकाे साेमवार राति ८ बजेर ४१ मिनेटदेखि बिहान ३:४० बजे सम्म भएकाे बलिप्रदान कार्यक्रममा १४ हजार ९ सय ४१ बोकाको बलि प्रदान भएकाे पुजा व्यवस्थापक महावीर युवा कमिटीले जनाएकाे छ ।
निशा पूजा सम्पन्न भएलगत्तै बोकाबलीका लागि यसपालि ४ वटा अस्थायी ठेहा राखिएको थियो भने प्रत्येक ठेहामा १० जनाको समूहमा स्वयंसेवक परिचालित गरि प्रतिमिनेट ४० को संख्यामा बलिप्रदान गरिएको कमिटीका अध्यक्ष बलराम साहले जनाएकाे छ ।
उनका अनुसार थियो । बलिप्रदानका लागि हजारौंको संख्यामा श्रद्धालु भक्तजनहरु बुधबार दिउँसैदेखि लाइनमा लागेका थिए ।
बलिप्रदान कार्यक्रमलाई व्यवस्थित बनाउन आयोजक महावीर युवा कमिटीले ५ सयको संख्यामा स्वयंसेवक परिचालन गरेको थियो ।
गत बर्ष राजदेवी मन्दिरमा १४ हजार ७ सय बलिप्रदान भएकाे थियाे भने त्यसकाे अघिल्लाेवर्ष कोरोना महामारीका कारण ८ हजार ९ सय ६८ मात्र बलि दिइएको थियो ।
यो विषयमा आफ्नो प्रतिक्रिया दिनुहोस् !