जनकपुरधाम, असाेज १८ गते । आगामी मङ्सिर ४ गते हुने भनिएकाे निर्वाचनका लागि निर्वाचन आयाेगले कार्यतालिका सार्वजनिक गरेकाे छ ।
प्रतिनिधि सभा र प्रदेश सभाकाे प्रत्यक्ष निर्वाचन तर्फको मनोनयन पत्र दर्ता आश्विन २३ गते एक दिनकाे समयावधि मात्र दिइएको छ ।
प्रतिनिधि सभा र प्रदेश सभाका लागि पहिलो निर्वाचित हुने (प्रत्यक्ष) निर्वाचन तर्फको मनोनयन पत्र दर्ता आश्विन २३ गते आइतबार बिहान १० बजे देखि सॅाझ ५ बजे सम्म सम्बन्धित निर्वाचन अधिकृतकाे कार्यालयमा हुने आयोगले जनाएको छ ।
आयोगले मंगलवार जारी गरेकाे सूचनामा २३ गते नै दिउंसाे ५ बजे मनाेयन दर्ता भएकाे उम्मेदवारकाे शुचि प्रकाशन गरिनेछ भने उम्मेदवारकाे विराेधमा उजुरी दिने २४ गते बिहान १० बजेदेखि दिउंसाे ३ बजेसम्मकाे समय दिइएकाे छ ।
त्यस्तै मनाेयन पत्र र उजुरी विरूद्ध २५ गते जांचबुच गरि साेही सांझ ७ बजेसम्म उम्मेदवारकाे नामावली गरिने, असाेज २६ गते नामावली फिर्ता र साेही दिन दिउंसाे ३ बजेसम्म अन्तिम नामावली प्रकाशन तथा सांझ ७ बजेसम्म चुनाव चिन्ह प्रदान गर्नेछ ।
मनाेयन दर्ताका चाहिने कागजात
पहिलो हुने निर्वाचित हुने निर्वाचन प्रणालीअन्तर्गत उम्मेदवारको मनोनयन पत्र समयबारे जानकारी गराएको हो । मनोनयन पत्रसँगै उम्मेदवारहरूले निम्न कागजातहरू संलग्न गर्नुपर्ने आयोगले जानकारी गराएको छ ।
क) उम्मेदवारको नागरिकताको प्रमाणपत्रको प्रतिलिपि वा मतदाता परिचयपत्रको प्रतिलिपि
ख) मतदाता नामावलीमा नाम समावेश भएको निस्सा
ग) प्रस्तावक र समर्थकको मतदाता परिचयपत्रको प्रतिलिपि वा मतदाता नामावलीमा नाम रहेको निस्सा
घ) दलको उम्मेदवारको हकमा दफा १८ बमोजिमको औपचारिक पत्र (प्रतिनिधि सभा सदस्य निर्वाचन तथा
प्रदेश सभा सदस्य निर्वाचन निर्देशिका, २०७९ को अनुसूची (७ बमोजिम)
ङ) धरौटी जम्मा गरेको नगदी रसिद वा बैक भौचर
च) स्वघोषणा प्रतिनिधि सभा सदस्य निर्वाचन तथा प्रदेश सभा सदस्य निर्वाचन निर्देशिका, २०७९
को अनुसूची (६ बमोजिम)
छ) उम्मेदवारको सम्पत्ति विवरणको सिलबन्दी खाम प्रतिनिधि सभा सदस्य निर्वाचन तथा प्रदेश सभा सदस्य
निर्वाचन निर्देशिका, २०७४ को अनुसूची(बमोजिम)
ज) उम्मेदवारको वैयक्तिक विवरण फाराम प्रतिनिधि सभा सदस्य निर्वाचन तथा प्रदेश सभा सदस्य निर्वाचन निर्देशिका, २०७९ को अनुसूची (१० बमोजिम)
यो विषयमा आफ्नो प्रतिक्रिया दिनुहोस् !