जनकपुरधाम, असोज १० गते । नेकपा एमालेका प्रभावशाली नेता गंगाराम यादव आगामी निर्वाचनका लागि पार्टी परित्याग गरेका छन ।
एमालेले धनुषाको क्षेत्र नम्बर २ बाट प्रतिनिधि सभामा नवप्रवेशी उमाशंकर अरगरियालाई चुनाव लडाउने तयारी गरेपछि एमाले केन्द्रीय कमिटीका सल्लाहकार समिति सदस्य समेत रहेका असन्तुष्ट नेता यादव साेमवार एमाले परित्याग जसपामा प्रवेश गरेका हुन ।
दुई दिन अगाडी मात्रै एमाले अध्यक्ष केपीशर्मा ओलीले धनुषा २ बाट निर्वाचन लडाउने गरी लोसपाका सचेतक उमाशंकर अरगरियालाई पार्टी प्रवेश गराएपछि यादव असन्तुष्ट भएका थिए । आफूले सो क्षेत्रमा टिकेट पाउने सम्भावना नदेखेपछि उनी एमाले छोडेर जसपामा प्रवेश गरेकाे पार्टीपरित्याग कार्यक्रम आयाेजना गरि जानकारी दिए ।
आगामी मंसिर ४ गते धनुषा निर्वाचन क्षेत्र नम्बर २ बाट जनता समनजवादी पार्टीबाट टिकट लिएर चुनाव लड्ने उनको तयारी छ । पार्टीले आफूले कम्युनिष्ट आन्दोलनमा दिएको योगदानको अवमूल्य गरेकाले जसपाबाट चुनाव लड्ने संके यादवले गरे ।
यादवले एमालेले सहि समयमा पनि मेरो मुल्याङ्कन गर्न नसकेपछि जनताको चाहना अनुसार विकल्प राजेको बताएका छन् । म संग जनता हुँदा हुदै पटक पटक विभिन्न षडयन्त्र हुँदा पनि म पार्टीको लाइनमा अडिग रहे उनले भने, ‘तर अहिले सहि समयमा फेरी पार्टी गलत बाटो लागेपछि जनताको निराशा देख्दै यो निर्णयमा पुगेको छु ।
यता आउंदाे असाेज १३ गते जसपा अध्यक्ष उपेन्द्र यादवले क्षेत्रको यदुकोहामा यादवलाई एक सभाका बिच औपचारिक रूपमन प्रवेश गराउने कार्यक्रम तय भएको जसपाका नेता शेषनारायण यादवले जनाएकाे छ ।
एमालेलाई धनुषा २ मा मजबुत बनाउनका उनको महत्वपूर्ण योगदान रहँदै आएको थियो । पछिल्लाे निर्वाचनमा उम्मेदवारीका बाजागाजा सहित मनाेयन दर्तास्थल पुगेपनि मतदाता नामावलीमा त्रुटि भएपछि चुनाव लड्न पाएका थिएन । आउंदाे निर्वाचनकाे तयारी गरिरहेकै अवस्थामा एमालेले अरगरियालाई भित्रियाएपछि उनी जासपा राेज्न बाध्य भएका हुन ।
यो विषयमा आफ्नो प्रतिक्रिया दिनुहोस् !