जनकपुरधाम, भदौ २९ गते । मोटरसाइकल एवं स्कुटर प्रसिद्ध उत्पादक कम्पनी बजाजले उत्पादन गरेको आफ्नो नयाँ मोडलको मोटसाइकल ‘पल्सर एनएस १२५’ जनकपुरधाममा भोली भदौ ३० गते लञ्च गर्ने भएको छ ।
जनकपुरधाम स्थित जानकी मन्दिरको प्रांगणमा विहिवार दिउंसो ५ बजे बजाज कम्पनीका अधिकृत विक्रेता ओम अटोमोबाइल्सद्वारा आयोजित एक सांगितिक कार्यक्रम मार्फत उक्त मोटरसाइकल लञ्च गरिने जनाइएको छ ।
यसअघि बजाज कम्पनीले भदौ २८ गते बिर्तामोड, २९ गते इटहरीमा लञ्च गरिसकेको छ भने ३१ गते नारायणघाट, असोज १ गते बुटवल, २ गते नेपालगञ्जमा सांगीतिक कार्यक्रम गर्दै पल्सर एनएस १२५ लन्चिङ गरिने कार्यक्रम रहेको छ ।
देशका मुख्य शहरहरू जस्तै जनकपुरधाममा पनि गायकहरू प्रमोद खरेल, टिका प्रसाईं र हास्य कलाकार सुमन कार्कीको प्रस्तुतीमा आयोजित सांगितिक कार्यक्रम मार्फत सो मोटरसाइकल लञ्च गरिने कुरा ओम अटोमोबाइल्सका संचालक सन्तोष साहले एक पत्रकार सम्मेलन गरी जानकारी दिएका छन ।
साहका अनुसार नेपाली बजार र चाडपर्वलाई लक्षित गरेर कम्पनीले आधाको आधामा फाइनान्स सुविधा उपलब्ध गराउने भएको छ । आधाको आधामा भनेको मोटरसाइकलको कुल लागतको चार भागको एक भाग रकम जम्मा गरेर फाइनान्स गर्न सकिने हो । त्यस्तै एउटा मोटरसाइकल खरिदमा ७ हजार छुट व्यवस्था गरेको छ ।
बजाज मोटरसाइकलको नेपालका लागि आधिकारिक बिक्रेता कम्पनीले एनएस १२५ को मूल्य २ लाख ७९ हजार ९०० रुपैयाँ निर्धारण गरेर बुकिङ खुल्ला गरेको हो । देशभरि रहेको बजाजको शोरुम बाट एनएस १२५ बुकिङ गर्न सकिने कम्पनीले जनाएको छ भने केही समय पश्चात डेलिभरी सुरु हुनेछ ।
पल्सर सिरिजकै सबैभन्दा सानो मोटरसाइकल एनएस १२५ एनएस सिरिजकै बडी डिजाइनमा तयार गरिएको छ । एनएस १२५ मा १२४.४५ सीसीको सिंगल सिलिन्डर एयरकुल्ड, २ भल्भ इलेक्ट्रोनिक्स एफआई इन्जिनको प्रयोग गरेको छ । उक्त इन्जिनले अधिकतम १२ पीएस पावर र ११ एनएम टर्क प्रदान गर्छ । यसमा ५ स्पीडको गियरबक्स रहेको छ ।
एनएस १२५ को अगाडि टेलिस्कोपिक फर्क र पछाडि निट्रो मोनोशक रहेको मोटरसाइलको अगाडि २४० एमएमको डिस्क र पछाडि १३० एमएमको ड्रम ब्रेक दिइएको छ । कम्बी ब्रेकिङ सिस्टम, १७ इन्चको अलोय ह्वील, १२ लिटरको इन्धन ट्याङ्क, १७९ एमएमको ग्राउन्ड क्लियरेन्स यसमा पाउन सकिन्छ ।
ट्याङगुलर हेलोजिन हेडल्याम्प, सेमि डिजिटल इन्ट्रुमेन्ट क्लष्टर, एलइडी टेल ल्याम्प, वल्व इन्डिकेटर जस्ता विशेषता बजाजले एनएस १२५ मा समेत दिएको छ ।
यो विषयमा आफ्नो प्रतिक्रिया दिनुहोस् !