जनकपुरधाम, भदौ २३ गते । एक वर्षको अवधिमा मधेश प्रदेशमा १ सय १९ जनामा डेंगु संक्रमण पुष्टि छ ।
मधेस प्रदेशका आठवटै जिल्लामा गत आर्थिक वर्षको साउनदेखि चालु आर्थिक वर्षको भदौ २२ गतेसम्ममा १ सय १९ जनामा डेंगु संक्रमण देखिएको स्वास्थ्य निर्देशनालयले जनाएको छ ।
निर्देशनालयका प्रमुख विजय झाका अनुसार सबैभन्दा बढि सर्लाही जिल्लाका ४२ जनामा डेंगु संक्रमण देखिएको छ भने बारामा २०, रौतहटमा १६, पर्सामा १२, सिरहामा ११, महोत्तरीमा ९, धनुषामा ५ र सप्तरीमा ४ जनामा डेंगु संक्रमण देखिएको छ ।
प्रादेशिक अस्पताल जनकपुरधा, गजेन्द्र नारायण सिंह अस्पताल राजविराज, नेशनल मेडिकल कलेज पर्सा, प्रँदेशिक अस्पताल कलैया, प्रादेशिक अस्पताल लहान, प्रादेशिक अस्पताल मलंगवा, प्रादेशिक अस्पताल जलेश्वर लगायतका अस्पतालहरुमा संक्रमितहरु फेला परेको उनले बताए ।
निर्देशक झाले भने देशभर डेंगुका विरामी बढ्न थालेपछि मधेश प्रदेशका स्वास्थ्य निर्देशनालयले पनि प्रदेशका सरकारी अस्पतालहरुमा उपचारका लागि आएका विरामीको सर्वेक्षण गरेको थियो । सोही क्रममा यी संक्रमितहरु फेला परेका हुन ।
उनले भने यो तथ्यांक प्रदेश मातहतका सरकारी कार्यालयको मात्र भएकाले संख्या बढी पनि सक्छ । किनभने निजी अस्पतालहरुमा समेत बिरामी गएका हुन सक्छन जसको तथ्यांक हामी कहाँ छैन ।
यो विषयमा आफ्नो प्रतिक्रिया दिनुहोस् !