जनकपुरधाम, भदाै १८ गते । नक्कली नोटको नमूना कागजातसहित सशस्त्र प्रहरीले सर्लाहीकाे बहादुरपुरबाट एकजनालाई पक्राउ गरेकाे छ ।
सशस्त्र प्रहरी मधेस प्रदेशका डिआईजी गणेशठाडा मगरले नेपाल–भारत सीमावर्ती क्षेत्र बहादुरपुरबाट ठुलो परिमाणमा नक्कली नोट बनाउने नमुना कागज सहित एक जनालाई नियन्त्रणमा लिइएकाे जनाएकाे छ ।
गोडैता नगरपालिका–३ सिमरा भगवतीपुर बजारमा खटेको सशस्त्र प्रहरीको टोलीले नुवाकोटको ककनी गाउँपालिकाका ३२ बर्षका हिरामान लामालाई ठुलो परिमाणमा नक्कली नोट तयार गर्ने कागजको बण्डल सहित नियन्त्रणमा लिइएकाे डिआईजी मगरले बताए ।
प्रहरीले नगद ४० हजार रुपैयाँ र सय दरका नक्कली नोट बनाउने ६९ बण्डल कागज बरामद गरेको हो भने पक्राउ परेका लामाको साथबाट १७ हजार नगद, माच्छापुच्छ्रे बैँकको ३० लाख ६० हजारको एक थान चेक, ग्लोबल आईएमई बैँकको चेक पासपोर्ट, बिलबुक र मोवाइल एक/एक थान, दुई थान एटिएम कार्ड र नागरिकता समेत बरामद गरेकाे जनाइएकाे छ ।
यो विषयमा आफ्नो प्रतिक्रिया दिनुहोस् !