जनकपुरधाम, भदौ ११ गते । गत आर्थिक वर्ष २०७८/७९ मा कृषिजन्य उद्योग दर्तामा धनुषाले उल्लेख वृद्धि गरेको छ ।
कृषिजन्य उद्योगहरुमा सहुलियत ब्याज दरमा बैंक तथा वित्तिय संस्थाहरुले ऋण लगानी गर्न थालेपछि कृषिजन्य उद्योग दर्तामा उल्लेख वृद्धि भएको हो । गएको आ.व. मा धनुषा जिल्लामा १ हजार ९३ वटा कृषिजन्य उद्योग दर्ता भएको घरेलु तथा साना उद्योग कार्यालय, धनुषाले जनाएका छ ।
सो कार्यालयले सार्वजनिक गरेको प्रतिवेदन अनुसार उत्पादन मूलक १ सय ५८ वटा, सेवा मूलक ५ सय १० वटा, पर्यटन मूलक १ सय ४७ वटा र सूचना तथा संचार मूलक ३ वटा गरी आ.व. २०७८/०७९ जम्मा १ हजार ९ सय ११ वटा उद्योग दर्ता भएको हो ।
जसमध्ये लघु उद्योग १ हजार २ सय ९२ र साना उद्योग ६ सय १९ वटा उद्योग एवं प्राईटभेट फर्म १ हजार ७ सय ९५, साझेदारी फर्म २८ वटा र प्रा.ली.(कम्पनी) ८८ वटा उद्योग रहेको प्रतिवेदनमा उल्लेख छ ।
आर्थिक वर्ष २०७८/०७९ मा वाणिज्य(व्यवसाय) दर्ता भने १ हजार ९ सय ९० वटा दर्ता भएको जनाईएको छ । जसमध्ये प्राईभेट फर्म १ हजार ९ सय ७० वटा र साझेदारी फर्म २० वटा रहेको जनाईएको छ ।
आर्थिक वर्ष २०७७/०७८ मा जम्मा १ हजार ८ सय ४ वटा उद्योग दर्ता भएको थियो भने वाणिज्य(व्यवसाय) तर्फ प्राईभेट फर्म २ हजार ५ सय ९० वटा र साझेदारी फर्म २१ वटा गरी जम्मा २ हजार ६ सय ११ वटा दर्ता भएको थियो । आर्थिक वर्ष २०७७÷०७८ मा समेत अन्य उद्योगको तुलनामा कृषिजन्य उद्योग बढी दर्ता भएको घरेलु तथा साना उद्योग कार्यालयका उद्योग अधिकृत देवेन्द्र कुमार झाले बताए ।
आ.व. २०७८/०७९ मा जम्मा राजस्व संकलन १ करोड ४० लाख ११ हजार ९ सय ५ रुपैया राजस्व संकलन भएको छ । उद्योग र वाणिज्य दर्ता एवं नामसारी, ठाउँसारी, नवीकरण, पुजी वृद्धि, लगत कट्टा, फर्मको नाम परिवर्तन र प्रतिलिपी राजस्व संकलनको स्रोत रहेको छ । उद्योग दर्ताबाट मात्र १९ लाख ४१ हजार ६ सय र वाणिज्य दर्ताबाट ५७ लाख ४९ हजार ८०० राजस्व संकलन भएको कार्यालयले जनाएको छ ।
कार्यालयका उद्योग अधिृकत झाका अनुसार उद्योग तर्फ ६६ जना र वाणिज्य(व्यवसाय) तर्फ १ सय ९ जनाले लगत कट्टा(खारिज) गराएका छन् । उद्योग तर्फ नामसारी ६० वटा, ठाउँसारी १८ वटा, नवीकरण ५ सय ९८ वटा, पुजी वृद्धि ८८ वटा, आई.ई.ई. स्वीकृत १ वटा, फर्मको नाम परिवर्तन ९ वटा र प्रतिलिपी ३७ वटाले लिएका हुन् भने वाणिज्य(व्यवसाय) तर्फ नवीकरण १ हजार २ सय ५९ वटा, पुजी वृद्धि १ सय ८७ वटा, नामसारी ४९वटा, ठाउँसारी २७ वटा, शाखा थप १६ वटा, फर्मको नाम परिवर्तन २७ वटा र प्रतिलिपी ६२ वटाले लिएका हुन् ।
कार्यालयले आर्थिक वर्ष २०७८/०७९ मा ४ सय ५४ जनालाई विभिन्न सीप मुलक तालिम समेत दिएको छ । स्वदेशमै रोजगारी सृजना गर्ने उद्देश्यले जिल्लाको १८ वटै पालिका गरी ४ सय ३६ जना युवती र १८ जना युवकलाई स्थानीय आवश्यकता तथा मागमा आधारित सीप मूलक तालिम दिएको कार्यालयले जनाएको छ ।
तालिम शाखा प्रमुख नागेन्द्र प्रसाद साहका अनुसार ७ दिने १ सय ४२ जना, १५ दिने १ सय ४७ जना, ४५ दिने २६ जना र ३ महिने १ सय ३९ जना युवा तथा युवतीहरुलाई सीप मूलक तालिम दिईएको हो । स्थानीय तहले सिफारिस गरेको वडामा स्थानियहरुकै आवश्यकतामा आधारित सीप मूलक तालिम संचालन गर्ने गरिएको तालिम शाखा प्रमुख साहले बताए ।
यो विषयमा आफ्नो प्रतिक्रिया दिनुहोस् !