जनकपुरधाम, भदाै १ गते । निहारिका राजपुत (सोनाली सिंह) ले बलात्कारका आरोप लगाएका शिवराज श्रेष्ठलाई थुनामा राख्न आदेश दिइएकाे छ ।
प्रहरीलाई दुर्व्यवहार गरिएकाे मुद्दमा जिल्ला प्रशासन कार्यालय धनुषाले अनुसन्धान गर्न प्रहरीलाई पाँच दिनको म्याद दिएको छ ।
धनुषाका प्रहरी प्रवक्ता डिएसपी प्रदीपबहादुर क्षेत्रीले श्रेष्ठलाई निहारिका मुद्दामा हाेइन प्रहरीलाई गालीगलौज गरेपछि श्रेष्ठलाई पक्राउ गरिएको र साेही घटनामा मुद्दा दर्ता गरिएपछि अनुसन्धान गर्न ५ दिने म्याद दिइएकाे हाे ।
उच्च अदालतमा पेशीका लागि तारिख लिइसकेका व्यक्तिलाई पक्राउ गर्न कसरी मिल्छ भन्ने प्रसंग प्रवक्ता क्षेत्रीले भने तारिख लिइसकेका व्यक्ति कुनैपनि अपराध गर्दा पक्राउ नै नगरने कुनै कानुनी व्यवस्था छैन ।
प्रहरी निहारिका घटना बारे हिजो सोधपुछ गर्न जांदा प्रहरीलाई गालीगलौज गरेपछि पक्राउ गरिएको हो प्रवक्ताले बताएपनि श्रेष्ठले आफू निर्दाेष हुं भनी मिडीयामा कुरा राख्न थालेपछि अनुसन्धानका लागि बाटाे खाेल्न गृहमन्त्रालयकाे दबावमा उनलाई पक्राउ गरिएकाे आम बुझाई छ ।
निहारिकाले लगाएकाे बलात्कार आराेपमा जिल्ला अदालतबाट सफाई पाइसकेका र उच्च अदालत जारीकाे पेशी ताेकिसकिएकाे अवस्थामा पक्राउ गर्न नसकेर गृहमन्त्रालयकाे दबावमा सुनियाेजित रूपमा प्रहरी पक्राउ गरेकाे कुरा प्रहरी श्राेतकै भनाई छ ।
ती प्रहरी स्रोतका अनुसार न्यायकाे माग गर्दै निहारिकाले गरेकाे अनशन र राष्ट्रपति कार्यालय अगाडि आत्मदाह प्रयास घटनाले अधिकारकर्मीहरूकाे चाैतर्फी दबाव दिन थालेपछि गृह मन्त्रालय तनावमा आइसकेका थिए । मन्त्रालयकै आदेशमा धनुषा प्रहरीले उनलाई पक्राउ गरी अदालतमा पेशीकाे कारणले अभद्र व्यवहार मुद्दा दर्ता गरिएकाे हाे ।
श्रेष्ठलाई साे जिल्ला प्रहरी कार्यालयले बलात्कार मुद्दामा दुई/दुई पटक पंचायत गरि छाडिसकेका अवस्थामा साेही मुद्दामा पक्राउ गर्न नमिलेर अधिकारकर्मीहरूकाे दबावलाई निर्क्याेल निकाल्न अभद्र दुव्यवहार मुद्दामा पक्राउ गरेकाे हाे भन्ने कुरा श्राेतकाे दाबी छ ।
पछिल्लाे घटनाक्रम
महाेतरीकी निहारिकाले एक पटक बच्चा पेटमा रहेकै बेला जिल्ला प्रहरीमा बलात्कारकाे आराेप लगाएर श्रेष्ठ विरूद्ध दिएकी थिइन अर्काे पटक पनि कांखे बच्चालाई बलात्कारकै आराेप लगाएर उजुरी दिइन दुवै प्रहरी पंचायत गरि श्रेष्ठलाई छाडि दिए ।
प्रहरीमा चाहे अनुसारकाे परिणाम नपाउंदा केही महिला अधिकारकर्मीकाे सहयाेगमा काठमाडाैबाट श्रेष्ठ विरूद्ध जिल्ला अदालत धनुषामा मुद्दा दायर गरिन तर अदालत बलात्कार ठहर हुन नसक्ने भनेर नाता सम्बन्ध कायम र अन्य मुद्दामा जान सुझाव दिदै आराेपित भनिएका श्रेष्ठलाई सफाई दिए ।
साे फैसलामा चित नबुझेपछि फैसलाविरुद्ध निहारिका ६ महिनाअघि उच्च अदालतमा पुनरावेदन दिएकी थिइन् । साे मुद्दामा भदाै ५ गते पेशी ताेकिएकाे थियाे ।
निहारिकाले धनुषा क्षीरेश्वरनाथ नगरपालिका– ३ का २३ वर्षीय शिवराज श्रेष्ठले नसालु पदार्थ पिलाएर आफूलाई बलात्कार गरेको, तर त्यसबाट जन्मिएको बच्चा अस्वीकार गरेको भन्दै निहारिकाले जबर्जस्ती करणीको मसद्दा गरेकी थिइन् ।
यो विषयमा आफ्नो प्रतिक्रिया दिनुहोस् !