जनकपुरधाम, साउन ३१ गते । जनकपुरधाममा आयाेजना गरिएकाे मिस्टर एण्ड मिस प्रोभिन्स–२’ कार्यक्रका लागि हाेटलमा बसेकाे खर्च नै नतिरी सर्लाहीका अंकित साह र प्रसान्त साह फरार भएका छन ।
जनकपुरको शिवचोकस्थित दिपक होटलमा खाएको हजारौं रुपैयाँको बिल नतिरी कार्यक्रमकाे संचालक टीमका यी दुवै युवक सम्पर्कविहीन भएका छन् ।
सर्लाहीका २४ वर्षीय अंकित साह र प्रि प्रोडक्सनका सञ्चालक प्रसान्त साहले दिपक होटलको १५ हजार ८० रूपैयाकाे बिल नतिरी फरार भएकाे पिडीतले बताएका छन ।
उनीहरुले गत असार २८ गते पि प्रोडक्सनको ब्यानरमूनि जनकपुरधामस्थित उद्योग वाणिज्य संघमा आयोजना गरेको ‘मिस्टर एण्ड मिस प्रोभिन्स–२’ नामक कार्यक्रमको बेला सो होटलमा दुई दिनसम्म बसेका थिए ।
उनीहरुलाई जनकपुरधाममा कार्यक्रम आयोजना गर्न स्थानीय युवाहरु बिक्की पाण्डेय, कलाम राईन, विपीन पाण्डेय, आदित्य राउत, आयुष झा, अमन झा लगायतकाले सहयोग गरेका थिए ।
जनकपुरधाममा कार्यक्रम आयोजना गर्न एक महिना बाँकी रहेकै बेलादेखि उनीहरु यहाँ आउँदा पिडारी चोक बस्ने बिक्कीले धेरै सहयोग गरेका थिए । बिक्कीले भने आफूले उनीहरु दुबैजनालाई एक महिनासम्म आफ्नै घरमा बास बस्नका लागि ठाउँसमेत दिएकाे थिए ।
कार्यक्रम आयोजना गर्नुअघि खान, बस्न र रिहल्सल गर्नका लागि आफूले नै उनीहरुलाई दिपक होटलसँग आफुले नै सम्पर्क गराएको बिक्कीले बताए ।
कार्यक्रम समाप्त भइसकेपछि उनीहरुले होटलको १५ हजार, प्रिन्टिङ पार्टनरको १५ हजार र नमूना बस्तीमा भाडामा लिएको कोठाको पैसा पनि नतिरी फरार भएको बिक्कीले पीडा सुनाए ।
बिक्कीले भने उनीहरू रकम नै नतिरी फरार भयाे, हाेटल लगायतकाले आफुलाई ताकेता गर्न थालेपछि उधाराे चुक्ता गरिदिन आग्रह गर्दा उल्टै उनीहरूले मेराे बारेमा अंकितले सामाजिक सञ्जालमा अनाप सनाप लेख्ने गरेको गुनासो गरे ।
उनले भने, ‘अब त फोन गर्दा फोन पनि उठाउँदैन । उल्टै मेरैबारेमा फेसबुकमा अनाप सनाप लेख्दिन्छ । मैले आफ्नो साथी सम्झेर सुरु सुरुमा उनीहरुलाई सहयोग गरेको थिएँ । आफ्नै रिस्कमा होटलमा पनि सबै व्यवस्था मिलाइदिएको थिएँ । तर, अन्त्यमा साथीले नै धोका दिई फरार भयाे ।
बिक्कीले अब होटलका सञ्चालक कमल पासवान र प्रिन्टिङ गराएको ठाउँबाट पैसाको लागि निरन्तर आफूमाथि दबाद आइरहेको सुनाए । उनले आफूहरुले यी दुबैजनाको बारेमा पछि खोज तलास गर्दै जाँदा फैशन शोको नाममा विगतमा पनि यीनिहरुले धेरैसँग ठगी गरेर भागेको कुरा आफूलाई पत्ता लागेको बताए ।
यस सम्बन्धमा बुझ्न पि प्रोडक्सनका सञ्चालक प्रसान्त साहसँग कुराकानी गर्न खोज्दा उनले आफू धेरै व्यस्त रहेको भन्दै फोन काटिदिए भने अंकितकाे माेबाइल स्वीच अफ छ ।
यो विषयमा आफ्नो प्रतिक्रिया दिनुहोस् !