जनकपुरधाम, साउन २७ गते । जनकपुरधाम उपमहानगरपालिका वडा नम्बर ५ मा आधारभूत स्वास्थ्यकाे शिलान्यास गरिएकाे छ ।
महावीर चाैक नजिक निर्माण हुने साे आधारभूत स्वास्थ्य केन्द्रकाे उपमहागरपालिकाका उपमेयर किशाेरी साहले शुक्रवार एक समाराेहका बीच शिलान्यास गरेका हुन ।
नेपाल सरकारकाे वडा वडामा आधारभूत स्वास्थ्य केन्द्र याेजना अन्तर्गत महावीर चाैकबाट पेठिया बजार जाने बाटाेमा तीन तल्ले भवन सहित करीब ५ धूर जग्गामा साे स्वास्थ्य केन्द्र निर्माण हुने जनाइएकाे छ ।
गत वर्षकै बहुवर्षिय याेजना अन्तर्गत जनकपुरधाम उपमहानगरकाे ११ वटा निर्माण गर्ने भनिएकाेमा ७ वटामा निर्माण कार्य सम्पन्न भइसकेकाे छ, २ वटामा ९० प्रतिशत काम भइसकेकाे छ भने बांकी रहेका वडा नम्बर ५ मा आज शिलान्यास गरिएकाे छ र ७ मा विवादका कारण अदालतबाट राेकिएमाे उपमहानगरपालिका वरिष्ठ ईन्जिनीयर विरेन्द्र यादवले जानकारी दिएका छन ।
उनका अनुसार साढे ४ कराेड रूपैयाकाे लागतमा निर्माण हुने ११ वटा वडा मध्ये वडा नं. वार्ड १२, १३, १४, १५, १९ , २३ र २४ मा निर्माण कार्य पुरा भइसकेकाे छ भने वडा नं. १८ र २४ मा निर्माण निर्माण जारी रहेकाे छ ।
टेण्डरकाे अवधि आगामी भदाै महिनामै समाप्त भइरहेकाे यति कम समयमा निर्माण कार्य कसरी सम्पन्न गरिने भन्ने प्रसंगमा ईन्जिनीयर यादवले भने अवधि समाप्त भएपनि बहुवर्षिय याेजना अन्तर्गत रहेकाेले पुनः म्याद थप गरेर शिलान्यास गरिएका यी स्वास्थ्य केन्द्र बांकी रहेकाहरूकाे निर्माण सम्पन्न गरिनेछ ।
वडाध्यक्ष बेचन साहकाे अध्यक्षतामा सम्पन्न साे शिलान्यास कार्यक्रममा मेयर मनाेज साह सहित वडा नं. ६ का अध्यक्ष दिनेश साह, वडा नं. ७ का अध्यक्ष निरज साह मुन्ना, वडा नं. ९ का अध्यक्ष परमेश्वर साह, वडा नं. १३ का अध्यक्ष जीतबहादुर राउत, वडा नं. १६ का अध्यक्ष रामचन्द्र पजियार र वडा नं. २५ का अध्यक्ष चन्देश्वर साह लगायतका जनप्रतिनिधिकाे उपस्थिति रहेकाे थियाे ।
त्यसैगरी साे वडाका सदस्यहरू शैलकुमारी देवी साह, राजा भगत लगाय दर्जनाै स्थानीय व्यक्तिहरूकाे सहभागिता रहेकाे थियाे ।
यो विषयमा आफ्नो प्रतिक्रिया दिनुहोस् !