जनकपुरधाम, साउन १४ गते । जनकपुरधामको रामचौक स्थित श्री गणेश र श्री हनुमान मन्दिरले पुर्णतापछि समुद्घाटन गरिएकाे छ ।
लाेकतान्त्रिक समाजवादी पार्टी (लाेसपा) नेपाल धनुषाका अध्यक्ष परमेश्वर साहले शनिवार एक समाराेहका बीच समुद्घाटन गरेका हुन ।
मधेशका प्रदेश सभा सदस्य समेत रहेका परमेश्वर साहकाे संसदीय विकास काेषकाे सहयाेगमा साे मन्दिरले पुर्णता पाएकाे हाे । गत दुई आर्थिक वर्ष ०७७/०७८ मा २५ लाख र ०७८/०७९ मा १५ लाख गरि साहले कुल ४० लाख रूपैया सहयाेग गरेकाे हाे ।
साे सहयाेग रकमबाट मन्दिरको पहिलो तल्ला, गुम्बज गेट तथा सौन्दर्यकरणका सम्पुर्ण कामहरु सम्पन्न भएको जनाइएकाे छ ।
कार्यक्रममा बोल्दै सांसद साहले कमिटिको युवाहरुको समुहगत काम, एकता र समाजिक सक्रियता लोभलाग्दो रहेको बताउदै सराहना गरेका छन् । उनले कमिटिलाई थप सहयोग गर्ने प्रतिवद्वता गरेका छन् ।
कार्यक्रममा जनकपुरधामका प्रमुख मनोज कुमार साहले सांसद साहको सहयोगमा कमिटिले गरेको काम जनकपुरधामको सौन्दर्यकरण र पर्यटकिय विकासका टेवा पुरयाएको बताए ।
जनकपुरधामका उपप्रमुख किशोरी साह, जनकपुरधाम उद्योग बाणिज्य संघका अध्यक्ष जितेन्द्र महासेठ र धनुषा चेम्वर्स अफ कर्मशका अध्यक्ष विजय प्रसाद साहले पनि कमिटिको धार्मिक र समाजिक गतिविधि जनकपुरधामको हितमा रहेको भन्ने धारणा राखेका थिए ।
कमिटिका अध्यक्ष सन्तोष कुमार महतोको अध्यक्षतामा भएको कार्यक्रममा उपाध्यक्ष संजय कुमार साहले स्वागत मन्तब्य राख्दै सहयोगका लागि सांसद साहलाई धन्यवाद ज्ञापन गरेका थिए ।
यो विषयमा आफ्नो प्रतिक्रिया दिनुहोस् !