जनकपुरधाम, असार ५ गते । जनकपुरधाम उपमहानगरपालिकाका उपमेयरमाथि केही व्यक्तिले आक्रमण गरेको बुझिएको छ ।
आइतवार करीब दिउंसो जनकपुरधाम उपमहानगरपालिका वडा नम्बर–२३ लादोबेलास्थित रामजानकी दुल्हा दुल्हिन मन्दिरको अतिक्रमित जग्गा खाली गराउन माग गर्दै ज्ञापन पत्र बुभाउन गएका समूहमा रहेका केही व्यक्तिले उनीमाथि चप्पल र मुक्का प्रहार गरेको हो ।
श्रोतका अनुसार ती वडाध्यक्ष राघवेन्द्र साहको अगुवाईमा मेयर मनोज साहलाई ज्ञापन पत्र बुझाउन गएका थिए । मेयर नभेटाएपछि ती समूहले कार्यालयमा डुलिरहेका उपमेयर किशोरी साहलाई ज्ञापन बुझाएका थिए । ज्ञापन पत्र बुझेर सम्बोधन गर्ने क्रममा उपमेयर साहले आफू कसैको घर उजाडन होइन बसाउन आएको भनेपछि आक्रोशित समूहले जुता र मुक्का प्रहार गरेका थिए ।
नगर प्रहरी र नेपाल प्रहरी सुरक्षामा खटिएका कारण कुनै अप्रिय घटना हुन सकेन । मेयर साहले भनेका थिए अतिक्रमित जग्गा आफू एक्लैबाट खाली गराउन सम्भव छैन, नगर कार्यपालिका र सम्बन्धित निकायको सहयोगमा पहल गर्नेछु तर आफू कसैको घर उजाडन होइन बसाउन आएको छ । उपमेयरको उक्त सम्बोधनपछि ज्ञापन पत्र बुझाउने समूहमा सहभागीहरुले अतिक्रमणलाई उपमेयरले संरक्षण दिन खोजेको भन्दै आक्रोशित बनेका थिए ।
उनीहरुले आक्रमण गर्नुका साथै उपमेयर विरुद्ध चर्को नाराबाजी समेत गरेका थिए । यता उपमेयर साहले आफूमाथि कुनै आक्रमण नभएको दाबी गरेका छन । उनले भने आफूमाथि कुनै कसैले आक्रमण गरेको छैन । ज्ञापन पत्र बुझाउन आएका व्यक्तिहरुले अहिले नै डोजर लगाएर खाली गराउन माग गरेपछि खाली गराउंछु तर कानूनी प्रक्रियामा जान केही समय लाग्न सक्ने भनेपछि तिनीहरुले हो हल्ला गरेका थिए ।
उनीहरुले हो हल्ला गरेपछि प्रांगणमा केही भीड लागेको थियो । तरपछि प्रहरीले सो हो हल्ला साम्य पारी तिनीहरुले कार्यालयभन्दा बाहिर निकालेका थिए । उपमहानगरपालिकामा ज्ञापनपत्र बुझाउन अघि जग्गा अतिक्रमणमा गुठी संस्थानको पनि मिलोमतो रहेको भन्दै ती समूहले जनकपुरधाम स्थित गुठी संस्थानका कार्यालय समेत घेराउ गर्दै नाराबाजी गर्नुका साथै नगरमा विरोध प्रदर्शन समेत गरेका थिए ।
लादोबेलाका स्थानीय समाजसेवी एवम् दाताहरुले रामजानकी दुल्हा भगवान कुट्टीलाई प्रदान गरेको गुठी अधिनस्थ १७ बिघा १५ कठ्ठा जग्गा अधिकांश अतिक्रमण भइसकेका छन भने बांकी रहेका जग्गा भूमाफियाहरुले गोप्य रुपमा विक्री वितरण गरिरहेकाका कारण वडाध्यक्षका अगुवाई स्थानीयहरु आन्दोलनमा उत्रेका छन ।
यो विषयमा आफ्नो प्रतिक्रिया दिनुहोस् !