जनकपुरधाम, असार २ गते । वैदेशिक रोजगारमा रहेका कामदार र उनका परिवारमाथि सामाजिक बहिष्करण र प्रभाव न्यूनीकरण गर्न मित्र धनुषा अघि बढेकाे छ ।
बिहीवार मित्र धनुषाको जनकपुरधाम स्थित कार्यालयमा आयोजित अन्तरक्रिया कार्क्रममा सहभागीहरुले ग्रामीण क्षेत्रहरुमा वैदेशिक रोजगारमा रहेका कामदारका परिवारलाई सामाजिक कार्यमा साहभागिता नगराउने, आम नागरिकभन्दा फरक दृष्टिकोणले हेर्न लगायतका हेप्ने प्रवृति बढेकाे कुरा उठाएका थिए ।
मित्र धनुषाका अध्यक्ष रघुवीर रायको अध्यक्षता र सामी परियोजना संयोजक अनिरुद्ध मुखियाको संयोजकत्वमा सम्पन्न सो अन्तरक्रियामा सहभागीहरुले वैदेशिक रोजगारमा रहेका कामदार र उनका परिवारप्रति हुने सामाजिक बहिष्करण न्यूनीकरण गर्न गाउँ गाउँमा गएर समाजिक स्तरमा जनचेतना जगाउने कार्य गर्ने निक्र्यौल निकालेका थिए ।
सुरक्षित आप्रवासन (सामी) परियोजना अन्तर्गत मित्र धनुषाले वैदेशिक रोजगारमा रहेका कामदारहरुको हकहित र संरक्षणका लागि काम गर्दै आएको छ ।
सो अन्तरक्रियामा बहिष्करणमा परेका वैदेशिक रोजगारमा रहेका कामदार र उनका परिवारलाई पुनःस्थापना तथा पुनःएकीकरणमा पहल गर्ने मित्र धनुषा निष्कर्ष निकालिएको संयोजक मुखियाले जानकारी दिए ।
यसका साथै सोही क्रममा सामी परियोजना अन्तर्गतको आप्रवासी हकहित संरक्षण केन्द्र धनुषाको बैठक समेत सम्पन्न भएको छ । सो बैठकमा सामी परियोजना अन्तर्गत धनुषाका विभिन्न पालिकाहरुमा पालिकास्तरीय बैठक सम्पन्न गर्ने निर्णय गरिएको थियो भने जेठ महिनासम्मको प्रगति विवरण समेत प्रस्तुत गरिएको थियो ।
केन्द्रका अध्यक्ष दुखरण यादवको अध्यक्षतामा सम्पन्न सो बैठकमा गणेशमान चारनाथ नगरपालिका, जनकपुरधाम उपमहानगरपालिका, सबैला नगरपालिकामा असार ४ गते र लक्ष्मिनिया गाउँपालिकामा असार ५ गते, धनुषाधाम नगरपालिका र विदेह नगरपालिकामा असार ६ गते र
शहीदनगर नगरपालिका तथा क्षिरेश्वरनाथ नगरपालिकामा असार ७ गते पालिकास्तरीय बैठक गर्ने निर्णय भएको जनाइएको छ ।
सो बैठकमा २०७८ जेठ देखि ०७९ जेठसम्ममा सामी परियोजनाका लागि मित्र धनुषाले गरेको कार्यप्रगति विवरण समेत प्रस्तुत गरिएको थियो । एक वर्षको अवधिमा सूचनामा १८ हजार २ सय ९३ जनाको पहुँच भएको, सामी परियोजना अन्तर्गत सञ्चालित तालिममा ४४ जनाको सहभागिता भएको सहितका प्रगति विवरण प्रस्तु गरएको थियो ।
तयस्तै ८० जनालाई व्यक्तिगत मनोपरामर्श, ३ सय १ जनालाई समुहगत मनोपरामर्श, ३ सय १ जना, ९८ जनालाई व्यक्तिगत फ्लोअप मनोपरामर्श र १२ वटा समुहद्वारा वितिय साक्षरता कक्षा दिएका छन ।
वैदेशिक रोजगारमा जाने ६१ जना कामदारलाई मोलजोल गराई ९ लाख ४४ हजार रुपैया फाइदा गराएको र परियोजना अन्तर्गत ६ करोड ७९ लाख ४ हजार ९ सय ४४ रुपैया वैदेशिक रोजागरमा रहेका परिवार र कामदारलाई आर्थिक सहयोग गरिएको जनाइएको छ ।
हाल जनकपुरधाम उपमहानगरपालिका, शहिदनगर नगरपालिका, गणेशमान चारनाथ नगरपालिका र धनौजी गाउँपालिकामा सामी परियोजना सञ्चालन रहेकोमा आगामी दिनमा सबै पालिकामा यसको आवश्यकता रहेको परियोजनाका संयोजक अनिरुद्ध मुखियाले बताए ।
उक्त सम्पन्न दुवै कार्यक्रमको उद्घोषण सामी परियोजना अन्तर्गत मित्र धनुषाको रिटर्नी स्वयंसेवक बसन्त कर्णले गरेका थिए । स्वयंसेवक कर्ण सामी परियोजनाका आजीवन सदस्य समेत रहेका छन ।
यो विषयमा आफ्नो प्रतिक्रिया दिनुहोस् !