जनकपुरधाम, जेठ २८ गते । मधेश प्रदेश सरकारले ल्याएकाे संचार ऐन विधेयककाे विभिन्न बुंदा त्रुटिपुर्ण रहेकाे भनी नेपाल पत्रकार महासंघ प्रादेशिक समितिले आपति जनाएका छन ।
गृह तथा सञ्चार मन्त्रालयले प्रदेश सभामा प्रस्तुत गरेकाे सञ्चार ऐन संशाेधन विधेयक फिर्ता लिन मांग सहित शनिवार नेपाल पत्रकार महासंघ मधेश प्रदेशका अध्यक्ष सहितका टाेलीले मन्त्री भरत साहलाई ज्ञापनपत्र बुझाएका छन ।
साे ज्ञापन पत्रमा संशाेधन भनिएका बुंदा २९ (क) काे घ, च र छ प्रति असहमति जनाउंदै संशाेधनकाे प्रक्रिया नै गलत रहेकाे महासंघले ठहर गरेकाे छ ।
ज्ञापनपत्र मार्फत महासंघले मिडिया काउन्सिल, आमसञ्चार प्राधिकरण र लाेकसञ्चार प्रवर्धन बाेर्ड स्वायत संस्था हुनुपर्ने भन्दै सराेकार संस्थाहरूसंग छलफल नै नगरी ऐन संशाेधन अघि बढाउने प्रक्रिया गलत रहेकाे महासंघका अध्यक्ष राजेश कुमारद्वारा हस्ताक्षरित ज्ञापन पत्रमा भनिएकाे छ ।
महासंघले संशाेधनकाे बुंदा नं. २९ (क) काे घ मा ६० वर्ष पुगेपछि अध्यक्ष तथा सदस्यहरू पदमुक्त हुने राखिएकाे अमिल्दाे रहेकाे र च तथा छ मा स्पष्टीकरणकाे चित बुझ्दाे जवाफ नदिएकाे अवस्थामा पदाधिकारीलाई हटाउन सक्ने व्यवस्था त्रुटिपुर्ण र लाेकतन्त्रकाे मर्म विपरित रहेकाे भनी साे संशाेधन विधेयक फिर्ता लिन माग गरेकाे छ ।
महासंघले माग पूरा नभए संघर्षमा उत्रने चेतावनी समेत ज्ञापनपत्र मार्फत दिएका छन ।
यो विषयमा आफ्नो प्रतिक्रिया दिनुहोस् !