जनकपुरधाम, जेठ २१ गते । विश्व साइकल दिवसकाे अवसरमा वीरगञ्ज स्थित भारतीय महावाणिज्यदुतावासद्वारा साइकल रैली आयाेजना गरिएकाे छ ।
विश्व साइकल दिवसमा भारतले प्रत्येक वर्ष मनाउदै आएको “आजादीको अमृत महोत्सव“को अवसरमा शनिवार महावाणिज्य दुतावासले साइकल रैलीको आयोजना गरको हो ।
दुतावासद्वारा दुई समुहमा साइकल रैली आयाेजना गरिएकाे पहिलाे समुहमा महावाणिज्यदूत र दाेश्राे समुहमा स्थानीय प्रशासन पदाधिकारीहरूकाे सहभागिता रहेकाे थियाे ।
नित्यसाइकल चालक समुहहरुको सहभागीतामा आयोजना गरिएको पहिलाे समुहकाे साइकल रैलीमा महावाणिज्यदूत नितेश कुमार, स्थानीय जनप्रतिनिधि, बीरगंज साइकल यात्री संघका सदस्यसहित २५ जना साइकल यात्रीको सहभागिता रहेको थियो ।
भारतीय महावाणिज्य दुतावास परिसरबाट सुरु भएकाे साे रैली बाराको गढीमाई मन्दिर पुगेर फिर्ता भई ४० किलोमिटरको दुरी यात्रा तय गरेको थियो ।
महावाणिज्यदुतद्वारा झण्डा देखाएर शुभारम्भ गरिएको दाेश्राे समुहकाे साइकल रैलीमा स्थानीय प्रशासनका पदाधिकारी, पत्रकार, नागरिक समाजका सदस्य तथा वाणिज्य दूतावासका पदाधिकारी एवम कर्मचारीहरुको सहभागिता रहेको थियो ।
उक्त रैली महावाणिज्य दूतावासबाट सुरु भइ, पावर हाउस चोक, आइसिपिगेट, घण्टाघर, माइस्थान, आदर्शनगर, अलाखियामठ, पुरानो बसपार्क र घरिअर्वा पोखरी हुँदै फेरी वाणिज्य दूतावास पुगी सम्पन्न भएको थियो ।
रैली पश्चात् संचारकर्मीसंग कुरा गर्दै महावाणिज्यदूत नितेशले भने शारीरिक तन्दुरुस्ती र सन्तुलनको सन्देश फैलाउन र साइकल चलाउनु वातावरणमैत्री मात्र नभई उत्कृष्ट व्यायाम र सस्तो यातायात पनि रहेकाे भन्ने सन्देश दिन साइकल रैली आयाेजना गरिएकाे बताए ।
उनले थप्दै भने याे रैलीले भारत र नेपालका जनताबीचको द्विपक्षीय सम्बन्धलाई पनि थप मजबुत बनाउने हाम्राे साेचाई हाे ।
यो विषयमा आफ्नो प्रतिक्रिया दिनुहोस् !