जनकपुरधाम, जेठ २० गते । जनकपुरधाम उपमहानगरपालिकाको नगर कार्यपालिका सदस्यका लागि भएकाे निर्वाचनमा नेपाली कांग्रेसका जनप्रतिनिधिहरूद्वारा अन्तर्घात गरिएकाे आराेप लगाइएकाे छ ।
कार्यपालिका सदस्यका लागि ६४ मत चाहिएकाेमा कांग्रेससंग ७० मत हुंदाहुंदै अन्तर्घातका कारण दुई जना उम्मेद्वार हारेका छन । एमालेसंग मिलाेमताे गरि कांग्रेसका नेताहरूले आफ्नाे उम्मेदवारलाई हराएकाे भनी आलाेचना सहितकाे विभिन्न टिकाटिप्पणी सामाजिक सञ्जालमा भइरहेकाे छ ।
शुक्रबार भएको निर्वाचनबाट नगर कार्यपालिका सदस्यमा नेपाली कांग्रेसका ६ र नेकपा एमालेका २ जना सदस्य निर्वाचित भएका छन् ।
निर्वाचन समितिका अनुसार नेपाली कांग्रेसबाट महिला सदस्यहरुमा फूल कुमारी देवी, मनीषा कुमारी देवी, शारदा पन्त, शैल कुमारी चौधरी र संजू देवी निर्वाचित भएका छन् ।
नेपाली कांग्रेसबाट दलित तथा अल्पसंख्यकतर्फ राकेश विक्रम साह र नेकपा एमालेबाट दिपेन्द्र कुमार साह तथा संतोष कुमार महतो निर्वाचित भएका हुन ।
निर्वाचित भएका राकेशले ८६, संतोषले ७८ र दिपेन्द्रले ६८ मत प्राप्त गरेका छन भने सोही पदमा नेकपा एमालेका उम्मेदवार जयशंकर गुप्ताले २९ र नेपाली कांग्रेसका पंकज कुमार महतोले ४९ तथा रामप्रवेश ठाकुरले ३५ मत प्राप्त गरेकाे जनाइएकाे छ ।
नगर कार्यपालिका सदस्य चयनको निर्वाचनमा एमाले र कांग्रेस एक्ला एक्लै उभिएकाेमा नगर सभा सदस्यहरूले निर्वाचन प्रक्रियाबाट कांग्रेस र एमालेका उम्मेदवारहरुलाई निर्वाचित गरेकाे कुरा निर्वाचन अधिकृत ब्रजेश प्याकुरेलले जनाएकाे छ ।
बैशाख ३० गते भएको स्थानीय तह निर्वाचनबाट उपमहानगरपालिकाको नगर सभामा कांग्रेसबाट ७०, एमालेबाट ३६, लोसपा १०, स्वतन्त्र ६, जसपा ३, माओवादीबाट १ र तमलोपा १ गरी १२७ सदस्य निर्वाचित भएका थिए । उक्त निर्वाचनबाट निर्वाचित १२५ सदस्यले कार्यपालिका सदस्य चयनका लागि मतदान गरेका प्याकुरेलले बताएका छन ।
उपमहानगरपालिकाको नगर कार्यपालिका सदस्यमा ८ पदका लागि १६ जनाले उम्मेदवारी दिएका थिए । ८ जना कार्यपालिका सदस्य निर्वाचित भएसंगै जनकपुरधाम उपमहानगरपालिकाको ३५ सदस्यीय नगर कार्यपालिकामा कांग्रेसका १८, एमालेका ९, स्वतन्त्र ३, लोसपाका २, तमलोपाका १, माओवादीका १ र जसपाका १ जनाले प्रतिनिधित्व गर्ने भएका छन्उपप्रमुख किशोरी साहसहित ११ वटा वडाबाट निर्वाचित वडाध्यक्ष र नव निर्वाचित ६ जना कार्यपालिका सदस्यको हैसियतमा रहनेछन् ।
यता नेकपा एमालेबाट ९, स्वतन्त्र ३, लोसपाका २, तमलोपाका १, माओवादीका १ र जसपाका १ जनाले कार्यपालिकामा प्रतिनिधित्व गर्नेछन् ।
यो विषयमा आफ्नो प्रतिक्रिया दिनुहोस् !