जनकपुरधाम, जेठ १७ गते । वैदेशिक राेजगारमा जाने अप्रवासीहरूका प्रत्येक स्थानीय तहकाे वडाहरूमा हेल्प डेस्क स्थापना हुनुपर्ने मांग गरिएकाे छ ।
मंगलवार जनकपुरधाममा सामी परियाेजनाकाे धनुषास्थित सहयाेगी संस्था मित्र धनुषाले आयाेजना गरिएकाे पत्रकारसंगकाे अन्तरक्रिया कार्यक्रममा यस्ताे माग गरिएकाे हाे ।
कार्यक्रममा मित्र धनुषाका कार्यक्रम संयाेजक अनिरूद्ध मुखियाले देशकाे बजेट निर्माण हुने कूल आर्थिक श्राेत मध्ये एक तिहाई रकम वैदेशिक राेजगारमा रहेकाहरूले खुन पसिना कमाएकाे रकमबाट आउने रेमिटान्स हाे ।
ती रेमिटान्सकाे रकमबाट नै देशकाे विकास निर्माणदेखि कर्मचारीकाे तलब सहित समग्र बजेट निर्माण हुने गरेकाे छ, तर दुर्भाग्य वैदेशिक राेजगारमा रहेकाहरूकाे पीडा सुनदिने स्थानीय स्तरसम्म सरकारकाे कुनै अधिकारिक निकाय छैन ।
उनले भने देशैभरिमा सबैभन्दा बढी वैदेशिक राेजगारमा जाने जिल्लाकाे रूपमा धनुषा रहेकाे छ र सही सुचना र सीप दिने सरकारकाे अधिकारिक नरहेकाे कारण ठगिनेहरूकाे बढी संख्या यही जिल्ला हाे । त्यसैले यहाँ हरेक पालिकाकाे वडा वडामा स्थानीय तहद्वारा हेल्प डेस्क स्थापना हुनुपर्छ र यसकाे आवश्यकता पनि हाे ।
संचारकर्मीहरूकाे जिज्ञासामा मुखियाले भने वैदेशिक राेजगारमा जाने र रहेकाहरूकाे परामर्श तथा सहयाेगका लागि सामी परियाेजनाकाे सहयाेगीकाे रूपमा काम गर्दै आएका छाै त, हाम्राे कार्य क्षेत्र जिल्लाका ४ पालिकाकाे १५ वटा वडा मात्रै छ, यसले समग्र जिल्लाकाे समस्या समाधान गर्न सक्दैन ।
उनले थप्दै भने वैदेशिक राेजगारमा जाने प्रक्रिया वर्षाैसम्म रहनेछ, तर परियाेजना कार्यावधि छाेटाे हाे, त्याेपनि सिमित क्षेत्रमा मात्रै भएकाले यसकाे दिर्घकालिन र समग्र क्षेत्रकाे व्यवस्थापनका लागि पालिकास्तरैबाट वडास्तरीय हेल्प डेस्क स्थापना हुनुपर्छ ।
मुखियाले हामी रेमिटान्सकाे रकमबाट चल्ने पालिकाहरूमा गएर बजेटकाे १० प्रतिशत रकम मात्र वैदेशिक राेजगारमा जाने तथा रहेकाहरूकाे सीप, वि तिय व्यवस्थापन, मनाेपरामर्श र सही सुचना दिने सहयाेगका लागि छुटयाउन आग्रह गर्दा वेवास्ता गरिदै आएकाे दुखेसाे सुनाए ।
अन्तरक्रियामा मित्र धनुषाले सामी परियोजनाकाे चालू आ.ब. काे ९ महिनाको गतिविधिको प्रगति विवरण प्रस्तुत गरेको थियाे । साे अन्तर्गत वैशाख मसान्तसम्म वैदेशिक राेजगारमा जानेहरूलाई कागजात, काममा जाने कम्पनी बारे, राेजगारमा जांदा के के गर्ने/नगर्ने लगायत बारे १६ हजार ५४५ जनालाई परामर्श गरेका छन ।
तयस्तै ६५ जनालाई व्यक्तिगत मनाेपरामर्श, ३ सय १ जनालाई समुहगत मनाेपरामर्श, ३ सय १ जनालाई १२ वटा समुहद्वारा वितिय साक्षरता कक्षा दिएका छन ।
हाल जनकपुरधाम उपमहानगरपालिका, शहिदनगर नगरपालिका, गणेशमान चारनाथ नगरपालिका र धनौजी गाउँपालिकामा सामी परियोजना सञ्चालन रहेकोमा आगामी दिनमा सबै पालिकामा यसको आवश्यकता रहेको परियोजनाका संयोजक अनिरुद्ध मुखियाले बताए ।
बजेटमा वैदेशिक रोजगारीको मुद्दा सम्बोधन गर्न सामी लागु भएको सबै स्थानीय तहलाई बजेट विनियोजनका लागि अनुरोध गर्ने, वैदेशिक रोजगारीलाई व्यवस्थित बनाउन सामी लागु भएका र लागु नभएमा पनि आप्रवासन कार्यविधि कार्यपालिकाबाट पास गराउने र वैदेशिक रोजगारीलाई प्रभावकारी रुपमा कार्यान्वयन गर्न श्रम तथा रोजगार शाखा स्थापना गर्न मांग समेत उनले गरे ।
यो विषयमा आफ्नो प्रतिक्रिया दिनुहोस् !