काठमाडौं-सरकारले जनकपुर चुरोट कारखानाका साथै बन्द अवस्थामा रहेको अन्य कारखानाहरू सञ्चालनमा ल्याउने भएको छ। आइतबार संसदमा आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले यो जानकारी दिएका हुन्।
बन्द अवस्थामा रहेको जनकपुर चुरोट कारखानभित्र अहिले मुख्यमन्त्री कार्यालयका साथै मन्त्रालय तथा मन्त्री आवास राखिएको छ।
अर्थमन्त्री शर्माले रूग्न तथा बन्द अवस्थामा रहेका जनकपुर चुरोट कारखाना, विराटनगर जुट मिल, कृषि औजारा कारखाना, गोरखकाली रबर उद्योग, वीगरञ्ज चिनी उद्योग, हेटौंडा कपडा उद्योगा र बुटवल धागो उद्योग उपयुक्त ढाँचामा सञ्चालनमा ल्याइने बताए।
उनले सार्वजनिक पद धारण गर्ने व्यक्तिहरूका लागि हेटौंडा कपडा उद्योगबाट उत्पादित कपडाको पोशाक प्रयोग गर्ने व्यवस्था मिलाइने जानकारी दिए।
घाटामा सञ्चालित सार्वजनिक संस्थानहरूको संस्थागत सुशासनलाई सुदृढीकरणगरी वित्तीय क्षमता सवलीकरण गर्न कम्पनी मोडल अवलम्बन गरिने शर्माले बताएका छन्।
यो विषयमा आफ्नो प्रतिक्रिया दिनुहोस् !