काठमाडौ, आर्थिक वर्ष ०७९/८० सरकारले आगामी आर्थिक बर्षका लागि स्वास्थ्य मन्त्रालयका लागि रु ६७ अर्व ३८ करोड बजेट बिनियोजन गरेको छ ।
बजेट प्रस्तुत गर्दै अर्थमन्त्री जनार्दन शर्माले स्वास्थ्य तथा जनसंख्या मन्त्रालयलाई ६९ अर्ब ३८ करोड र स्वास्थ्यका लागि प्रदेशमा ६ अर्ब ३६ करोड र स्थानीय तहमा २७ अर्ब ४४ करोड रुपैयाँ विनियोजन गरिएको जानकारी दिनुभयो । स्वास्थ्य बिमा कार्यक्रम ७ अर्व ५० करोड छुट्टाइएको जानकारी दिनुभयो ।
त्यस्तै सरकारले विपन्नलाई निशुल्क मिर्गौला प्रत्यारोपण गर्न १० करोड रुपैयाँ विनियोजन गरिएको उहाले बताउनुभयो । एक चिकित्सक एक अस्पताल कार्यक्रम सञ्चालन गरिने, केन्द्र र प्रदेशका २० अस्पतालमा ज्येष्ठ नागरिक वार्ड स्थापना गरिने उहाले बताउनुभयो । मानव विकास सूचकांकमा पछि रहेका २५ जिल्लाका सुत्केरीलाई एकमुष्ट ५ हजार रुपैयाँ दिइने सरकारले जनाएको छ ।
यो विषयमा आफ्नो प्रतिक्रिया दिनुहोस् !