जनकपुरधाम, जेठ ३ गते । नेपालका लागि भारतले नयाँ राजदूतमा नवीन श्रीवास्तवलाई नियुक्त गरेको छ ।
निवर्तमान राजदूत विनयमोहन क्वात्रा भारतीय विदेश सचिवमा नियुक्त भएपछि श्रीवास्तव नयाँ राजदूतमा नियुक्त भएका हुन् ।
भारतको विदेश मन्त्रालयले श्रीवास्तवलाई मंगलबार मात्रै नेपालका लागि नयाँ राजदूतमा नियुक्त गरेको जनाएको छ । उनी छिट्टै जिम्मेवारी सम्हाल्न नेपाल आउने मन्त्रालयल जनाएको छ ।
भारतीय विदेश सेवामा सन् १९९३ मा प्रवेश गरेका श्रीवास्तव चीनको संघाइमा महावाणिज्यदूत र कम्बोडियाका लागि राजदूत भइसकेका छन् ।
यसअघि श्रीतास्तव भारतको विदेश मन्त्रालयको पूर्वी एशिया डिभिजनको प्रमुखका रूपमा कार्यारत थिए । उनलाई चीन मामिलाका जानकारका रूपमा मानिन्छन् ।
यो विषयमा आफ्नो प्रतिक्रिया दिनुहोस् !