लहान, जेठ ३ गते । सिराहाको नवराजपुर गाउँपालिका अध्यक्ष र उपाध्यक्ष जनता समाजवादी पार्टी (जसपा) ले जितेको छ ।
जसपाका शिवउदगार यादवले ४ हजार ५५४ मत ल्याएर विजयी भएका हुन् भने उनका निकटतम प्रतिद्वन्द्वी नेपाली कांग्रेसका विश्वमोहन यादवले २ हजार ५२५ मत ल्याएका थिए ।
त्यस्तै उपाध्यक्षमा जसपाकै पुनमकुमारी यादव विजयी भएकी छन् । उनले ४ हजार ३१८ मत ल्याएर विजयी भएकी छिन् भने उनका निकटतम प्रतिद्वन्द्वी कांग्रेसकै शोभाकुमारी यादव २ हजार ३८५ मत पाएकी छन् ।
पाँचवटा वडा रहेको यो गाउँपालिकामा जसपाले ४ नम्बर वडाबाहेक सबै वडामा जित हात पारेको छ ।
पराजित भएका विश्व यस गाउँपालिकाको निवर्तमान पालिका अध्यक्ष हुन् । २०७४ को निर्वाचनमा उनी काँग्रेसबाटै निर्वाचित भएका थिए । विश्वमोहन काँग्रेस नेतृ तथा पूर्व उपसभामुख चित्रलेखा यादवकी भाई हुन् ।
यो विषयमा आफ्नो प्रतिक्रिया दिनुहोस् !