जनकपुरधाम, वैशाख ३० गते । देशभर सहित मधेश प्रदेशमा शान्तिपुर्ण रूपमा सम्पन्न भएपनि केही जिल्लामा गाेली फायरदेखि मतपेटिक लुटनेसम्मकाे कार्य भएकाे छ ।
मतदानको क्रममा मधेस प्रदेशको पांच जिल्लामा गोली चलेको छ । धनुषा, महोत्तरी, सर्लाही, रौतहट र पर्सामा गोली चलेको हो ।
धनुषा प्रहरीका अनुसार जिल्लाको शहीदनगर नगरपालिका–१ स्थित कुम्भकर्ण प्रावि मतदान केन्द्रमा विवाद भएपछि प्रहरीले हवाई फायर गरेको हो । मतदान खसाल्ने विषयमा विवाद भएर झडप भएपछि प्रहरीले एक राउण्ड हवाई फायर गरेको धनुषाका प्रहरी उपरीक्षक बसन्त रजौरेले जानकारी दिएका छन ।
त्यस्तै, महोत्तरीको बलवा नगरपालिकामा पनि गोली चलेको छ । स्थानीय तहको निर्वाचनअन्तर्गत भइरहेको मतदानको क्रममा जिल्लाको बलवा नगरपालिका–५ को मतदानस्थलमा एक उम्मेदवारले मतपत्र च्यात्दा भएकाे विवादमा प्रहरीले एक राउण्ड गोली प्रहार गरेको हो । बलवा–५ स्थित मनसिव महाविर आधारभूत विद्यालयमा गाेली फायर भएकाे हाे ।
सर्लाहीको धनकौलमा पनि गोली चलेको छ । स्थानीय तह निर्वाचनअन्तर्गत मतदान सुरु हुनु अगावै कार्यकर्ताबीच झडप हुन थालेपछि प्रहरीले ६ राउन्ड गोली प्रहार गरेको हो ।
धनकौल गाउँपालिका–२, पशु सेवा केन्द्र मतदान स्थलमा सुरक्षाकर्मीले हवाई फायर गरेको सर्लाहीका प्रहरी प्रवक्ता प्रहरी नायब उपरीक्षक माधवप्रसाद बुढाथोकीले जानकारी दिए । सर्लाहीकै बसबरिया गाउँपालिकामा समेत झडप भएको छ ।
उता मतदानको क्रममा मधेस प्रदेशको चार जिल्लामा गोली चलेको छ । यहाँको धनुषा, महोत्तरी, सर्लाही, रौतहट र पर्सामा गोली चलेको हो । धनुषाको शहीदनगर नगरपालिका–१ स्थित कुम्भकर्ण प्रावि मतदान केन्द्रमा विवाद भएपछि प्रहरीले हवाई फायर गरेको हो । मतदान खसाल्ने विषयमा विवाद भएर झडप भएपछि प्रहरीले एक राउण्ड हवाई फायर गरेको धनुषाका प्रहरी उपरीक्षक बसन्त रजौरेले जानकारी दिए । विवाद भएर केही समय रोकिएको मतदान पुनः सुरु भएको थियो ।
त्यस्तै, महोत्तरीको बलवा नगरपालिकामा पनि गोली चलेको छ । स्थानीय तहको निर्वाचनअन्तर्गत भइरहेको मतदानको क्रममा जिल्लाको बलवा नगरपालिका–५ को मतदानस्थलमा विवाद हुँदा प्रहरीले एक राउण्ड गोली प्रहार गरेको हो ।
बलवा–५ स्थित मनसिव महाविर आधारभूत विद्यालयमा रहेको केन्द्रमा जनता समाजवादी पार्टीबाट वडा नं. ५ का उम्मेदवार धमेन्द्र यादवले रुजु गर्नका लागि राखिएको मतदाता नामावली च्यातिएपछि विवाद भएको थियो ।
विवादले उग्ररूप लिने देखिएपछि भिडलाई तितरवितर गर्न सुरक्षाकर्मीले एक राउण्ड हवाइ फायर गरेको जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टले जानकारी दिए । उता सर्लाहीको धनकौलमा पनि गोली चलेको छ । स्थानीय तह निर्वाचनअन्तर्गत मतदान सुरु हुनु अगावै कार्यकर्ताबीच झडप हुन थालेपछि प्रहरीले ६ राउन्ड गोली प्रहार गरेको हो ।
धनकौल गाउँपालिका–२, पशु सेवा केन्द्र मतदान स्थलमा सुरक्षाकर्मीले हवाई फायर गरेको सर्लाहीका प्रहरी प्रवक्ता प्रहरी नायब उपरीक्षक माधवप्रसाद बुढाथोकीले जानकारी दिए । त्यस्तै, सर्लाहीकै बसबरिया गाउँपालिकामा समेत झडप भएको छ ।
उता रौतहटको फतुवा विजयपुर नगरपालिकामा मतदानका क्रममा विवाद भएपछि स्थितिलाई नियन्त्रणमा लिन प्रहरीले हवाई फायर गर्नु गरेको छ ।
फतुवा विजयपुर–२ सितलपुरमा कांग्रेसका वडाध्यक्ष उम्मेदवार भविखन यादवले नक्कली मतदाता खडा गरेर मतदान गर्न ल्याएको भन्दै झडप भएको थियो । अवस्थालाई साम्य पार्न प्रहरीले ५ राउन्ड हवाई फायर गरेका रौतहटको प्रहरी उपरीक्षक विनोद घिमिरेले बताए ।
रौतहटै गढीमाई नगरपालिका–३ लक्ष्मीपुरमा मतदानको क्रममा झडप भएको छ । लक्ष्मीपुरस्थित खरिदी प्राथमिक विद्यालय भवनमा रहेको मतदान केन्द्रमा झडप भएको हो ।
दुई पक्षबीच मतदानकै क्रममा विवाद भएपछि झडप भएको हो । झडपमा अहिलेसम्म १५ जनाको टाउको फुटेको बताइएको छ ।
साे जिल्लाकाे गढीमाई नगरपालिका २ र ३ मा झडप भइरहेको कारण त्यहाँ तत्काल मतदान स्थगित भएको छ । त्यस्तै बौधिमाई नगरपालिकामा पनि एक स्थानमा विवाद भएको कारण मतदान स्थगित भएको थियाे भने यमुनामाई नगरपालिका २ भडियाहीकाे एक मतदान केन्द्रबाट स्थानीयले मतपेटिका लिएर नै भागेका थिए ।
पर्साको छिपहरमाई गाउँपालिका वडा नम्बर–१ मिर्जापुरमा ४ राउण्ड हवाई फायर भएको थियो । सत्ता गठबन्धनमा आबद्ध दल र नेकपा एमालेका कार्यकर्ताबीच झडप भएपछि स्थिति नियन्त्रणमा लिन प्रहरीले हवाई फायर गरेको थियो ।
दुई पक्षले ढुंगा हानाहान गरेर स्थिति तनावपूर्ण बनेपछि ४ राउण्ड हवाई फायर गरेर स्थिति नियन्त्रणमा लिइएको जिल्ला प्रहरी कार्यालय पर्साका प्रमुख रमेश बस्नेतले जानकारी दिए ।
मधेश प्रदेशको राजधानी जनकपुरधाममा अर्कैको नाममा मत हालिरहेको अवस्थामा एक युवक पक्राउ परेका छन् ।
जनकपुरधाम उपमहानगरपालिका–१४ स्थित ग्रामिण विकास प्रशिक्षण केन्द्रको मतदान केन्द्रमा फर्जी मत खसाइरहेको अवस्थामा २० वर्षीय अमलेश सदा पक्राउ परेका छन ।
त्यस्तै, सप्तरीको डाक्नेश्वरी नगरपालिका–२ स्थित एक मतदान केन्द्रमा स्थगित भएको निर्वाचन आगामी जेठ १ गते हुने भएको छ । डाक्नेश्वरी नगरपालिका–२ स्थित हरिरबा जनता मावि मतदान स्थलमा केही व्यक्तिको समूहले मतपेटिका तोडफोड गर्दै मतदान अधिकृतलाई कुटपिट गरेपछि निर्वाचन स्थगित भएको थियो ।
७० प्रतिशत मतदान
सम्पन्न मतदानमा मधेश प्रदेशमा ७० प्रतिशत मत खसेको प्रारम्भिक अनुमान गरिएको छ । यहाँको सर्लाहीमा सबैभन्दा बढी ७२, महोत्तरी, बारा तथा पर्सामा ७०/७० प्रतिशत, धनुषामा ६६, रौतहट र सिरहामा ६५ प्रतिशत मत खसेको हो ।
प्रदेशका केही जिल्लाका मतदान स्थलमा विवाद हुँदा मतदान नै स्थगित समेत गर्नु परेको छ । निर्वाचन आयाेगले बारामा ४, राैतहटमा ३ र सप्तरी १ वटा मतदान स्थलमा विवादका कारण मतदान स्थगित गरिएको मतदान अधिकृत सरोज कुमार चौधरीले जानकारी दिए ।
त्यस्तै, रौतहटको ३ वटा मतदानस्थलमा मतदान स्थगित गरिएको मतदान अधिकृत छोटेलाल दासले बताए । उनका अनुसार रौतहटको बौधीमाई नगरपालिका–२ स्थित इनरवारी प्रावि मतदान केन्द्र, बौधीमाई कंकालिनी मतदान केन्द्र र गरुडाको शंकर प्रावि मतदान केन्द्रको मतदान स्थगित गरिएको छ ।
त्यस्तै, सप्तरीको एक मतदानस्थलको मतदान स्थगित गरिएको मतदान अधिकृत रमेशकुमार जोशीले बताए । उनका अनुसार सप्तरीको डाक्नेश्वरी नगरपालिका–२ को एक मतदान स्थलमा मतदान स्थगित गरिएको हो ।
यो विषयमा आफ्नो प्रतिक्रिया दिनुहोस् !