जनकपुरधाम । आसन्न स्थानीय तह निर्वाचनकाे समय नजिकदै सतारूढ दल कांग्रेसकाे नेता कार्यकर्ताकाे आक्राेसले जनकपुरधाममा जनाधार गुम्दै गएकाे छ ।
सत्ता गठबन्धनको चुनावी भागबण्डामा जनकपुरधाम उपमहानगरपालिकाको मेयर पद जनता समाजवादी पार्टी (जसपा) नेपालको भागमा परेपछि कांग्रेसका असन्तुष्ट सयाै नेता कार्यकर्ताहरूले राजीनामा दिएका छन ।
शुक्रवार एक पत्रकार सम्मेलन आयोजना गरी कांग्रेसका नगर सभापति मनोज साह सहित नगर तथा वडाका अढाई सयभन्दा बढी नेता कार्यकर्ताहरूले राजीनामा दिएका छन ।
गठबन्धनले जनकपुरधाम उपमहानगरको मेयर पद जसपालाई दिएपछि पार्टी नेता कार्यकर्ताहरुको सल्लाहमा चुनाव लड्न आजकै मितिदेखि पार्टीको नगर सभापति पद सहित साधारण सदस्य नरहने समेत गरी राजीनामा गरेको घोषणा गरे ।
उनले भने जनकपुरधाम उपमहानगरपालिका नेपाली कांग्रेसको उर्बर भूमि हो, पछिल्लो निर्वाचनमा समेत निकटतम प्रतिद्वन्दी रहेको अवस्थामा जनाधार नै रहेका जसपालाई मेयर पद दिनु भनेको यहाँ कांग्रेसलाई वनधारलाई समाप्त खेल भएको हुनाले पार्टीलाई बचाउन आफू सहितका नेता कार्यकर्ताहरुले हालका लागि राजीनामा दिएको हुँ ।
साहले भने कांग्रेसले गठबन्धनमा जनकपुरधामलाई अरुलाई दिएर आफ्नै घरमा आफैले आगो लगाएको भन्दै उनले अब आफु स्वतन्त्र उम्मेदवारी दिने बताए ।
उनले भने, ‘नेपाली कांग्रेसको २५ वटै वडाका सदस्यहरुको भावना अनुरुप स्वतन्त्रबाट चुनाव लड्न मैले राजीनामा दिएको हुँ । छाप जुन भएपनि अनुहार कांग्रेसी नै हुनुपर्ने जसपाबाट सम्भावित भ्रष्टाचारी उम्मेदवार र जनाधार नै रहेका पार्टी मत नदिने कांग्रेस नेता कार्यकर्ताहरुको आग्रहमा आफू स्वतन्त्रबाट उम्मेदवारी दिन मैले राजीनामा दिने निर्णयमा पुगेको छ ।’
संचारकर्मीहरुको जिज्ञासामा उनले भने हामीले केन्द्रिय समितिलाई गठबन्धनको निर्णय सच्याएर कांग्रेसलाई जनकपुरधामको मेयर पद दिनुपर्ने २४ घण्टे अल्टिमेटम दिएपनि कुनै चासो नदेखाई उल्टै गृहमन्त्री बालकृष्ण खाँडले कारवाही गर्छु भन्ने चेतावनी दिदैं आएको छ । आफू राजीनामा दिइसकेपछि केन्द्रिय समितिलाई कारवाही गर्ने अवसर नै हुँदैन बताए ।
तपाईको समूहबाट जनकपुरधामको २५ वटै वडामा स्वतन्त्रबाट हरेक पदमा उम्मेदवारी पर्ने भन्ने जिज्ञासामा उनले कांग्रेसलाई १० वटा वडा भागबण्डामा परेको छ, भागबण्डा बाहेक १५ वटामा हाम्रो स्वतन्त्र समूहबाट कांग्रेसलाई बचाउन उम्मेदवारी पर्नेछ ।
कांग्रेस पार्टीबाट परित्याग गरेपछि अर्को पार्टीमा जान सक्ने कतिको सम्भावना रहेको भन्ने प्रसंगमा साहले भने ११ गतेसम्म पार्टीलाई सच्चिन हामी मौका दिन्छौं यदि पार्टी गम्भीर भएन भने राम्रो अवसर आए आफू स्वतन्त्र मान्छे जहाँ पनि जान सक्छु यसमा कसैले मलाई हस्तक्षेप गर्न सक्ने छैन ।
कांग्रेसबाट राजनीमा पछि साह एमालेमा जान सक्ने कुरामा चर्चामा रहेको छ । एमालेसँग आन्तरिक छलफल समेत साहको भइसकेको तर मेयर पदमा बार्गेनिंग मिल्न नसकेको कारण पार्टी प्रवेशको कुरा रोकिएको श्रोतको भनाई छ ।
साहले आफूसंगै सचिव लालबाबु मिश्र, कोषाध्यक्ष विरेन्द्र यादव, वडा नम्बर १५ का सभापति नन्दलाल साह सहित अढाई सयभन्दा बढी क्रियाशील सदस्यहरुले संयुक्त रुपमा राजीनामा दिएको जानकारी दिए । तर सचिव मिश्रले आफुले राजिनामा नदिएकाे सामाजिक सञ्जाल मार्फत जानकारी दिएका छन ।
यो विषयमा आफ्नो प्रतिक्रिया दिनुहोस् !