जनकपुरधाम । वैशाख ३० गते हुने आसन्न स्थानीय तह निर्वाचनका लागि सत्ता गठबन्धनलाई काउन्टर दिदैं एमाले र लोकतान्त्रिक समाजवादी पार्टी (लोसपा) ले पनि गठबन्धनलाई तिव्र पारेका छन ।
एमाले र लोसपाबीचको गठबन्धनले पनि वीरगञ्ज महानगरपालिकाका लागि मेयर र उपमेयरमा संयुक्त उम्मेदवार चुनावी मैदानमा उतार्ने सहमति गरेका छन । सो गठबन्धनले एमालेबाट मेयर र लोसपाबाट उपमेयरको संयुक्त उम्मेदवार दिने सहमति गरेको छ।
बिहीवार बिहान एक पत्रकार सम्मेलन आयोजना गरी एमाले र लोसपाका जिल्ला कार्यसमितिको बसेको बैठकबाट गठबनधनलाई सार्थकता दिन मेयर पद एमाले र उपमेयर पद लोसपाले लिने र तथा वडाध्यक्षको टुंगो पछि लगाउने सहमति भएको जनाइएको छ ।
एमाले सचिव रघुवीर महासेठ र लोसपा नेता कर्णको आतिथ्यमा भएको सो पत्रकार सम्मेलनमा यस्तो सहमति भएको छ । पत्रकार सम्मेलन पश्चात एमालेका जिल्लाध्यक्ष जयप्रकाश थारु र लोसपाका जिल्लाध्यक्ष पुरुषोत्तम झाले एक संयुक्त प्रेस विज्ञप्ति जारी गरी सहमति बारे जानकारी गराएको छ ।
भागबण्डा अनुसार वीरगन्जको मेयरमा एमालेले वर्तमान मेयर विजयकुमार सरावगी उम्मेदवार बनाउने र उपमेयरमा लोसपाले जिल्ला अध्यक्ष पुरुषोत्तम झालाई उम्मेदवार बनाउने निर्णय समेत भएको लोसपाका नेता लक्ष्मण लाल कर्णले बताएका छन ।
स्थानीय तहमा मेयर वा उपमेयर मध्ये एक जना महिला उम्मेदवार अनिवार्य हुनुपर्ने प्रावधान रहेपनि पुरुषलाई नै किन उपमेयरको उम्मेदवार बनाइएको बारे कर्णले भने कुनै एक पार्टीबाट दुवै पदको उम्मेदवार हुँदाको अवस्थामा एक पुरुष र एक महिला अनिवार्य छ । महिला समावेशिताका लागि पनि हुनुपर्ने त्यही हो, तर महिलालाई जित्न सक्ने सम्भावना कम रहेकोले पुरुष उम्मेदवारलाई हामी अघि सारेका छौं ।
उनले भने सत्ता गठबन्धनभन्दा मजबूत उम्मेदवार दिन जित्ने सक्ने गरी उपमेयर पदका उम्मेदवारलाई हामीले अघि सारेका हौं । लोसपाबाट यसअघिसम्म झाकी श्रीमति रम्भा मिश्रको नाम चर्चामा रहेको थियो भन्ने प्रसंगमा उनले भने झा पनि उहाँकै श्रीमान हो, मिश्रभन्दा मजबूत उम्मेदवार झा भएकोले उहाँलाई उम्मेदवार बनाउने पार्टीले निर्णय गरेको छ । मिश्र पछिल्लो स्थानीय तह निर्वाचनमा समेत प्रतिष्पर्धा गरेकी थिईन । उनले चौथो स्थान ल्याएकी थिइन ।
यो विषयमा आफ्नो प्रतिक्रिया दिनुहोस् !