जनकपुरधाम, वैशाख ७ गते । जनकपुरधाम उपमहानगरपालिका सत्ता गठबन्धनको भागबण्डा अनुसार जनता समाजवादी पार्टी नेपाल (जसपा) को भागमा परेपछि कांग्रेस नेता कार्यकर्ताहरुले आक्रोशित भएका छन ।
सत्ता गठबन्धनको केन्द्रिय सहमति बाहिर लगतै जनकपुरधाम नगर समितिका पदाधिकारी तथा सदस्यहरुले गठबन्धनको निर्णयप्रति आपति जनाउंदै बुधवार सांझ जुलुस तथा टायर बालेर कांग्रेसका नेता कार्यकर्ताहरुले जनकपुरधाममा विरोध प्रदर्शन गरेका छन ।
उनीहरुले गठबन्धनको निर्णय फिर्ता गर, शेरबहादुर देउवा मुर्दाबाद लगायतका नाराबाजी नगरको विभिन्न भागमा जुलुस प्रर्दशन गर्दै विद्यापति चौकमा टायर बालेर विरोध प्रदर्शन गरेका हुन । प्रर्दशनमा सहभागी कांग्रेस नगर समितिका कोषाध्यक्ष विरेन्द्र यादवले भने हाम्रो पार्टीको उम्मेदवार मनोज साह हो, गठबन्धनले जसपालाई दिने गरेको निर्णय हामी कदापी स्वीकार गर्दनौं, कांग्रेसबाट मनोज साह नै उम्मेदवार बन्नेछ ।
प्रदर्शनमा सहभागी इन्जिनीयर रञ्जित झा त्यागीले शेरबहादुर देउवा आफै पटक पटक गठबन्धनबाट प्रधानमन्त्री बनेको कारण आफ्नो कुर्सी बचाउन भागबण्डामा उम्मेदवार खडा गरेको आरोप लगाउंदै भने हामी छाता छापमा कदापि भोट दिदैनौं भने ।
नेपाली कांग्रेस जनकपुरधामका उम्मेदवार एवं नगरसभापति मनोज साहले गठबन्धनको यो निर्णय नेपाली कांग्रेसलाई आघात पुर्याउने हिसाबले गरिएको छ, यो निर्णयको घोर भत्र्सना गर्नुका साथै कडा बिरोध गर्ने नगर सभापति साहले चेतावनी दिए ।
उनले भने ‘हामीले केन्द्रिय निर्णयको बिरोध गर्छौँ, यसले कांग्रेसी कार्यकर्ताहरुको मनमा आघात पुगेको छ ।’ अगाडी भने ‘यो निर्णय बिरुद्ध वडा समिति, नगर समिति, क्षेत्रीय समिति सबै आक्रोशित छन् ।’
यता नेपाली कांग्रेस धनुषाका सभापति योगेन्द्र पजियारले केन्द्रमा गठबन्धन गर्ने निर्णय स्वीकार गर्नुपर्ने बाध्यता रहेपनि स्थानीय कार्यकर्ताहरुको आक्रोशको विपक्षमा हामी जांदैनौं बिहीवार नेता कार्यकर्ताहरुसंग छलफल गरेर रणनीति तयार गर्ने बताए ।
यसैबीच गठबन्धनको भागबण्डा निर्णय बारे असहमति जनाउंदै कांग्रेस धनुषाको बैठक समेत बस्न लागेको छ । काँग्रेसका नेता एवं मधेश प्रदेश सरकारका भौतिक पूर्वाधार मन्त्री सरोज यादवले गठबन्धनको निर्णयप्रति पार्टीका अधिकांश नेता तथा कार्यकर्ताको असहमति रहेको बताए ।
यो विषयमा आफ्नो प्रतिक्रिया दिनुहोस् !