जनकपुरधाम, वैशाख १ । राष्ट्रिय प्रजातन्त्र पार्टीका अध्यक्ष राजेन्द्र लिंगदेनले राजा भन्दा महंगो अहिलेको राष्ट्रपति रहेको आरोप लगाएका छन ।
महोत्तरीको बर्दिबासमा पार्टी प्रवेश तथा कार्यकर्ता भेला कार्यक्रमलाई सम्बोधन गर्दै हिजोका दिनमा जसले राजा धान्न महंगो भो भन्दै आएका थिए, आज तिनीहरु नै स—साना राजाहरु बनेका छन ।
हिजोको दिनमा खान लाउन हैसियत नभएका आफूलाई ठूला तथा पुराना पार्टी भनाउनेहरुका नेताहरु अहिले देशका विभिन्न स्थानमा ठूलठूला महल खडा गरेर अलिशान जिवन बिताई रहेका छन । तर देश र जनतालाई दिन प्रतिदिन ऋणमा डुबाउंदै गएको छ ।
अध्यक्ष लिंगदेनले अहिले राज संस्थाभन्दा महंगो त राष्ट्रपति रहेको छ । पहिला एउटा राजालाई मात्र सुख सुविधा दिनुपथ्र्यो, तर अहिले त प्रत्येक पांच वर्षमा फेरिने राष्ट्रपतिलाई पेन्सन, घर भाडा, उपचार, गाडी र सुरक्षा लगायतका बाचुञ्जेलसम्म खर्च तिर्नुपर्ने भन्दै को महंगो भयो प्रतिप्रश्न गरे ।
उनले भने हिजोसम्म जसले भनिरहेको राजा पाल्न महंगो भयो, तिनीहरुले नै अहिले देश लुटिरहेका छन । २०६२/०६३ को परिवर्तनपछि राजाको नाममा देश तथा विदेशमा रहेका सम्पति खोजेर फर्काउने एक समिति बनायो, ती समितिले राजाको नाममा रहेको एक सुको सम्पति पनि निकाल्न सकेन । बरु तिनीहरुको अवस्था कहाँबाट कहाँबाट पुगिसक्यो कसैसँग लुकेको छैन ।
त्यसैले हामी अहिलेको संवैधानिक राज्य सञ्चालन व्यवस्था देशलाई बरबाद पार्ने भएकोले राजा सहितको हिन्दु राष्ट्र देश चाहिन्छ भन्दै आएका छौं । आफ्नो कुनै स्वार्थ होइन देशलाई बरबाद हुनबाट जोगाउन राजा सहितको हिन्दु राष्ट्रको मांग गर्दै आएको उनले प्रष्ट पारे । उनले संस्था अन्त्यपछि अहिले केही ठूला दलहरुको स्वार्थका कारण देश अहिले बेरोजगार उत्पादन गर्ने कारखानाको रुपमा परिणत भइसकेको भन्दै ३२ अघिसम्म मुश्लिकले १० हजार नेपाली वैदेशिक रोजगारमा थिए तर अहिले पेटपाल्न ५० लाख भन्दा बढी नेपाली खाडी मुलुकमा श्रम बेच्न बाध्य छन ।
ठूला तथा पुराना पार्टीहरुले विदेशी कहाँ लगेर देशको साँचो बुझाए ऋणबाट चल्ने देश बनाइसकेको छ । देशका शासक बनेर आएका कांग्रेस, एमाले र माओवादीका नेताहरुले देशलाई आफ्नो श्रोत साधनभन्दा ऋणबाट चल्ने बनाइसकेकोले भोलीको दिनमा यो देशको हालत पनि श्रीलंका झै हुनेछ भन्ने आशंका उनले व्यक्त गरे ।
अध्यक्ष लिंगदेनले ३२ वर्षअघि २९ अर्ब ऋणलाई १७ खर्बमा पुरयाइसकेको आरोप लगाउंदै ती रकम कुन उत्पादन, कुन विकासमा खर्च भयो भन्ने हिसाब मांग्ने बेला नेपाली जनता समक्ष आएको भने । उनले हामी अहिलेको संवैधानिक राज्य सञ्चालन व्यवस्था देशलाई बरबाद पार्ने भएकोले राजा सहितको हिन्दु राष्ट्र देश चाहिन्छ भन्दै आएको भन्दै आफ्नो कुनै स्वार्थ होइन देशलाई बरबाद हुनबाट जोगाउन राजा सहितको हिन्दु राष्ट्रको मांग गर्दै आएको प्रष्ट पारे ।
अध्यक्ष देश अहिले आर्थिक मन्दीको परिस्थितिबाट गुजरिरहेको छ, बैंकमा पैसा छैनन, ती पैसा कालाबजारी र कांग्रेस, एमाले र माओवादीका नेताहरुको घरमा थन्किएको छ । चुनावमा खर्च तिनीहरुले पैसा लुकाएर राखेको छ । चुनाव सम्पन्न हुन दिनुस त्यसपछि ती पैसाहरु आफै बाहिर निस्किनेछ ।
राप्रपा जिल्ला अध्यक्ष राजेश्वर यादवको अध्यक्षता सम्पन्न सो कार्यक्रममा पार्टीका केन्द्रिय तथा स्थानीय नेताहरुले आगामी निर्वाचनमा काम गर्नेलाई दोहरयाउं, काम नगर्नेलाई फालेर राप्रपालाई अवसर दिन मांग गरेको थियो ।
यो विषयमा आफ्नो प्रतिक्रिया दिनुहोस् !