लोसपाले जनकपुरधामको मेयर र उमेयरमा ५/५ जनाको नाम गरे सिफारिस

जनकपुरधाम, चैत २७ गते । आगामी वैशाख ३० गते हुने निर्वाचनका लागि लोकतान्त्रिक समाजवादी पार्टी (लोसपा) ले जनकपुरधाम उपमहानगरपालिकाको मेयर र उपमेयर पदका लागि ५÷५ जनाको नाम सिफारिस गरिएको छ ।

जनकपुरधाम उपमहानगरपालिका नगर समितिको आइतवार बसेको बैठकले मेयर र उपमेयर दुवै पदका लागि ५÷५ जनाको नाम सिफारिस नगर अध्यक्ष मनोज चौधरीले जानकारी दिएका छन । उनका अनुसार मेयर पदमा नगर अध्यक्ष चौधरी सहित प्रदेश सभा सदस्य परमेश्वर साह, वडाध्यक्ष जानकीराम साह, अमर पजियार र संजय चौधरीको नाम मेयर पदका लागि बैठकबाट नाम आएको थियो, सोही व्यक्तिहरुलाई सिफारिस गरिएको हो ।

त्यस्तै उमपेयर पदका लागि विभा ठाकुर,विभा पाण्डे, रीता मिश्र, पुनम झा मैथिल र पुनम साहको नाम नगरबाट सिफारिस गरी पठाइएको उनले जनाएका छन् । नगरबाट सिफारिस गरिएको आकांक्षीहरु मध्ये केन्द्रिय कमिटीले योग्य र जित्ने कुनै एक÷एक जनाको नाम उम्मेदवारीका लागि टुंगो लगाउनेछ र सो निर्णय सबै आकांक्षीका लागि सर्वमान्य हुनेछ ।

चौधरीको अध्यक्षता तथा लोसपाका केन्द्रिय सदस्य रुकमिणी मंडलको प्रमुख अतिथि र पर्यवेक्षक परमेश्वर साह रोहवर तथा चौधरीको अध्यक्षतामा बसेको सो बैठकमा पार्टीका केन्द्रियदेखि स्थानीय तहसम्मका नेता, विभिन्न वडाका वडाध्यक्ष लगायतका व्यक्तिहरुको उपस्थिति रहेको थियो ।