जनकपुरधाम, चैत २६ । धनुषा क्रिकेट संघद्वारा जनकपुरधाममा ‘जनकपुरधाम टि–२० च्याम्पियनसिप’ क्रिकेट टुर्नामेन्ट सुरु भएको छ ।
क्रिकेट खेलको सम्बद्र्धन एवम् प्रबद्र्धन गर्ने उद्देश्यले धनुषा क्रिकेट संघले क्लब स्तरीय क्रिकेट प्रतियोगिताको आयोजना गरेको हो ।
प्रतियोगिताको उद्घाटन समारोहमा बोल्दै प्रमुख अतिथी निर्माण व्यवसायी दिपेन्द्र ठाकुरले युवाहरुको क्षमता अभिवृद्धिका लागि यस्ता प्रतियोगिताहरु निरन्तर आयोजना हुनुपर्ने कुरामा जोड दिए । उनले खेलकुल प्रतियोगिताहरुको आयोजनामा आफ्नो निरन्तर सहयोग रहने प्रतिबद्धता समेत व्यक्त गरे ।
कार्यक्रममा बोल्दै जनकपुरधाम उपमहानगरपालिका वडा नम्बर–७ का वडाध्यक्ष जानकीराम साहले पनि जनकपुरधाममा खेलकुलको विकासका लागि आफ्नो सहयोग निरन्तर रहिरहने प्रतिबद्धता जनाए ।
साे टुर्नामेन्टमा १६ वटा क्रकिकेट टिमकाे सहभागिता रहेको जिल्ला क्रिकेट संघ धनुषाका अध्यक्ष शोेभाकान्त पाण्डे (गुड्डु) ले जानकारी दिएका छन । उनले प्रतियोगितामा सहभागी १६ मध्ये ११ वटा टिम नेपालको र ५ वटा टिम भारतको रहेको बताए ।
पाण्डेले नक आउट लिगको आधारमा भईरहेको यो प्रतियोगिता बैशाख ४ गतेसम्म चल्ने बताए । यसअघि बृहत स्तरमा शहीद कप प्रतियोगिताको आयोजना गरिदैं आएपनि कोरोना संक्रमणको त्रासका कारण प्रभावित भएको र स्थानीयस्तरका टिमहरुलाई शामिल गरेर जनकपुरधाममा फेरि खेलको माहौल बनाउन लागिएको उनले बताए ।
प्रतियोगिताको पहिलो टिमलाई ५१ हजार राशीको पृुरस्कार प्रदान गरिने छ । त्यस्तै दोस्रो हुने टिमलाई २५ हजार राशीको पुरस्कार प्रदान गरिने प्रतियोगिताका संयोजक समेत रहेका जिल्ला क्रिकेट संघ धनुषाका सदस्य सरोज मिश्रले बताए ।
यो विषयमा आफ्नो प्रतिक्रिया दिनुहोस् !